TUN HUN PAWIMAWHNA
Sam 144:4. Mihring hi engmah lo mai ang a ni a: A dam chhung nite chu hlim ral thin ang hi a ni.
Program hi kan ngah em em mai a. He thil ka tih zawh hian eng thil nge ka tih ang tih ngaihtuah reng reng in kan buai em em thin a ni. Kan hmalam hun kan ngaihtuahna lutuk ah hian, tun (present) a hun kan hman mek hi kan ngaihtuah lo fo thin a ni. Pathian hian kan nunna hi a tawi a, reilote chiah a ni tih hi a hre chiang em em mai a. Naktuk kan dam thleng dawn nge? Kan awm tawh lo ang! tih hi tuman kan hre lo a ni. Chuvangin, Lalpa hian kan tun hun a kan thil tih-ah lungawi tak leh duh taka ti a, hlimpui turin min duh em em a ni. Pathian chuan tun hunah a dah che in a hruai thleng che a, i awmna hmunah khan i tih theih tawk leh i chanpual tan a Lalpa ruat che kha tih hlawh tlin tum ang che. I thil tih a piangah hlim takin Pathian nen hlen chhuah tum zel ang che.