SUAL KAWNGA THI TAWH
Galatia 2:20. Krista hnenah khenbehin ka awm ta; nimahsela ka nung a ni; keimah erawh chu ka ni tawh lo. Krista chu keimahah a nung zawk a ni.
Engatinge Kristian, ringtu in ti te hi sual in kan la nun fo thin le aw? Isua Krista ringtu kan nih chuan sual lakah min chhandam reng tawh si. Krista tana nun hi hrehawm viau in i hre thin em. Zahthlak viau leh thing riau te hian i in hre thin em? Dan danglam bik tlemte a awm vang hian harsa i ti ve thin em? I ngaihtuahna kha Kalvari tlangah Krista’n a hmangaihna avanga a tuarna che kha va thlir la. I hmangaih Isua chu i hmu ang. Isua i hmangaihna kha ngaihtuah la, Pathian in a hmangaihna che ngaihtuah bawk la. Hmangaihna chuan sual chu hla takah a um bo ang. Lalpa dan chu lawm chungin i lo zawm tawh ang a, a hmangaihna a chawl chungin Lalpa rawng lawm takin ilo bawl leh thei thin dawn nia. Petera anga kan vela, thlipui leh ruahpui kan en avang hian sualin min chimpil leh thin mai a lo ni.