Zirtirtu nen inrem takin
Nang chuan chhanhimna hlaten mi hual vel ang. Sam 32:7
Khawthlang lama beram vengtu putar pakhat hian violin a nei a, a ri a dik lova, a lai tlat a. Herh mil ngaihna a awm loh avangin a radio ngaihthlak `hin hmunpuiah chuan khawngaih dilin lehkha a thawn ta ringawt a. A lehkhathawnah chuan radio a lo ngaihthlah hun tur ni leh darkar ziakin, chumi hunah chuan “A” key tihriksak turin a ngen a. Radio hmunpuia thuneitute chuan a ngenna chu tihhlawhtlinsakin, a ngen hun ni leh darkarah chuan “A” key chu radio-ah an tihriksak a. Tichuan beram vengtu putar chuan a violin chu a lo herh mil a, a pindan chu rimawi ngaihthlak nuam em em in a lo khat leh ta a.
Pathian hnen a`angin kan kal bo va, a hranga kan nun hian rimawi key herh mil loh ang mai kan ni a. Pathian leh mi dangte nen kan inrem thei lova. Mahse, Pathian nen inrema kan awm erawh chuan ama rimawi ngaihthlak nuam em em chuan min hual vel `hin.
Kum thar kan lo chuankai hian Pathian hnenah nitin a thu nen inrema kan awm theih nan a `anpuina dil ila. Tichuan kan kianga awmte nen inremna duhawm tak kan nei thei ang.