KRISTIAN NUN KAWNGA HRIATTUR
Kristian nun hi lo piangthar tirh atanga lo in tan a ni a. Nausen ang pawn ngai mah ila a pawi lutuk awm lo e. Chu nausen chu a thanlen/seilen a ngai a ni. Chu nausen seilenna tur chuan chaw tha a mamawh thin a. Kawng tam takin rilru, taksa in thil a zir a lo ngai ta a ni. Chu a zirna kawngah chuan thil tam tak a paltlang a ngai a ni.
Pathian thlarau hruaia kan awm theih nan a thil pawimawh deuh deuh ni a ka hriatte i han tarlang ila.
1. Duhthlanna a ngai pawimawh: Pathian kan duh tak tak leh kan hmangaihna hi a ngai pawimawh em em a ni. Kan duhthlanna bak liamah hi chuan min nawr lui lem lo. Kan hriat thiam leh kan rin ngam hun dawhthei takin a nghak ve mai thin a ni. Miin Pathian a duh loh tlat chuan a chhuah san ve mai thin a ni. Amah duh leh lo lawm tute hnenah chuan Pathian fate nih theihna a pe thin a ni.
2. Rinna fiahna: Pathian hian Amah kan rinna kawnga kan thanlenna tur hian min fiah ve fo thin a ni. Nitina kan nun kawngah, thil te thamte ah pawh miin Pathian a rawn a, Pathian duh dan ang zawnga a kal fo chuan, hlawhtlinna a hmu in, Pathian a rinna a lo thanglian sawt thin. Kan thil tawn te atanga Pathian ropuizia kan hmuh fo chuan kan nghet bik thin a ni. Pathian hian thil ropui min tihsak a chak a, a bula kan dil leh ama remruat dan ang a kan thil duhte kan um erawh a pawimawh a ni. Rinna ka nei ti reng chung si a Pathian nena tihtur/ruahmanna kan neih chuan si loh chuan rinna a puilting thei lo a ni. (Krista zuitu ni tur chuan mi a taihmak a ngai)
3. Krista pawimawhna: Pathian thu a a inziak dan zawng zawng hi ka zawm avangin Pathian hi ka ti lawm em em a ni lo. Pathian min pek Krista ka pawm avang zawkin Chatuan nunna min pe a ni. Chumi a zarah chuan Pathian thu ka zawmin, Pathian chu a lawm a, mal min lo sawm let mai zawk a ni. Pathian thu zawm chu a pawimawh lo a mi? Pawimawh tak a ni. Engvangin? Pathian in Krista min pek hi kan pawm tak tak anih chuan keimahni a awm, Krista chaw tui ber chu a pa (Pathian) thu zawm a ni. Krista ka hmangaih ti chung si a, Pathian thu pek zawm tum miah si lo kan nih chuan mi dawthei kan lo ni ang. Amaherawhchu, mihringin kan ngaih ang hian Pathian hi a kut a ram em em lo. Kan sualte kan dah a, rilru leh tih takzeta kan zui ve theih nan a dawh thei em em a ni. Chumi avangin sual chu vulh lian suh ang che. Krista krawsah chuan i sualna chu nitin khengbet zel zawk ang che.