KHAWNGAIHNA DAN
Rom 6:14 “Sualnain in chungah thu a nei dawn tawh si lo, dan rorela awm in ni lo va, khawngaihna rorela awm in ni zawk si a.” Khawngaihna dan(law) chu engnge ni? Krista a lo lang chhuak Pathian khawngaihna hi a ni mai awm e. Chu hmangaihna leh khawngaihna dan (dan chaklote anga lang felna kawnga dan khumtu ni si) chuan ringtute hi kan nung a ni. Dan chuan ti rawh a ti, a ti lo te chu a hrem. Khawngaihna dan chuan ti rawh tih ngai lovin ama duhthlanna ngeiin, nuam ti leh kham loin (Chak ngawih ngawihin) a tih tur chu a lo ti ta. Chu Pathian dan ngainatna, Krista atanga lo chhuak ngei chuan Pathian a ti lawm thin. Khawngaihna dana awmte hian dan an zawm lo tur tihna a ni lo a. Dan zawm hi an nihna sa, tirawh tih ngai lo a, an zia (Krista zia) an neih sa zawk kha a ni. Chu dan zawm chuan hlimna a pe zawk tawh a ni. Sinai tlang dana nungte erawh chuan Pathian dan helh ran leh hel chungin dan chu an zawm. An zawm chhun lai atangin midangte an va teh duh viau. Pathian an ti lawm zo lo a ni. Pathianin mihringte tana tha ber turin dan thu a pe a. Chu dan thu chuan mihringte a siam that beiseiin. Amaherawhchu, Krista rilru ang pu mite chauhin Pathian duh dan angin (chhungril leh pawn lamah) Dan chu an lo zawm thei ta a ni. Matthaia 5:17. “Dan thu emaw, zawlnei thu emaw tiboral tura lo kal ka nih ring suh u; tiboral tura lokal ka ni lo va, tifamkim tura lo kal ka ni zawk.” Itsikna, khakna tel lo, Krista (dan tifamtu) ah chuan Pathian a lungawi a ni.