Naupang Pual
Vawi khat chu mipa naupang ho hi dil bulah hian hlim takin an infiam a. Chutia an infiam lai chuan an zinga pakhat chuan dila utawk lo awm khawm tuau tuau chu a hmu fuh hlauh mai. A thiante bulah chuan, “En teh u, dila saw utawk an awm teuh mai. Hawh u, in vawm fuh siak ang u,” a ti a. Tichuan, lung an chhar a, an vawm ta a. Nuam an tiin an hlim hle maia, utawk pawh an vawm hlum nual mai a. Chutih lai chuan utawk zinga pakhat chu a rawn tawng ta a. “Naupangte u, hlim leh nuam ti taka in infiamna kha keini tan chuan natna ania sin. Khawngaih takin tawp teh u”, a rawn ti ta a. Kan hlimna leh kan lawmna hi midangte tan natna leh hrehawmna a ni fo thin em tih hi fimkhur takin i ngaihtuah tlang teh ang u. Midangte tana hnawksak zawnga kan hlim thin anih chuan chu chu hlimna dik lo a ni tih hriain i sim thin ang u. “A theih phawt chuan nangmahni lam tal, mi zawng zawng nen inremin awm rawh u.”
Rom 12:18