MI ROPUI LEH HNA HNUAIHNUNG
Missionary pakhat chu Red Indian-ho zingah chanchin tha hril turin a kal a. A tirah chuan Indian-ho chuan an nel lo a, ‘Mingo pa’ tiin an sawi thin a. Amah an hrechiang deuh ta a, ‘Mingo pa zahawm’ an ti thin a. Nakinah chuan an hrechiang lehzual ta a, an tana tha tur duh mi a ni tih an hriat chuan, ‘Mingo Indian pa’ tiin an sawi ta a ni. An zinga mi ang maiin an pawm ta a. Indian pakhat a inhliam a missionar chuan a inah a hruai a, tha takin a enkawl a. A hliamte a tuamsak an hmuh chuan mak an ti em em a, ‘Pathian mi’ tiin an sawi leh ta a.
Chu missionary chuan Isua nungchang ang a pu a, rawngbawlsaka awm lovin, rawngbawltu ni turin Indian-ho zingah a lut a, chu chuan mi ropui, Isua angin hna a thawk a ni. Midangte tanpuina hna hnuaihnung zawk thawk turin Isuan a zirtirte leh a hnung zuitute chu a chah a ni.
Midangte tana thil te takte kan tihsak hian Lalpa tan thil ropui tak kan ti a ni.
