REBEKI LEH A PA
Hman lai hian Rebeki hi a awm a, tuk khat chu a pa chuan pawn chhuak lo turin a ti a. (A pa hi hnathawk a chhuak thin mi a ni) Rebeki chuan a pa hnenah chuan “Aw le” a ti liam ve mai a. Mahse, a pa in a room atanga a kalsan lawk hlan chuan pawn khaw thiang tak mai infiamna tura duhawm tak a hmuh chuan chhuah ruk a chak ta em em mai a. A pa hmuh loh lai chuan tukverh atang chuan a rukin a chhuak ta a. A thiante nen inkawm in an infiamna ah chuan a va tel ve a. Amaherawhchu, an infiam lai reng pawh chuan a pa chuan a lo hmu ang a tih hlau reng reng in hun a hmang a. Darkar tam a ral hma chuan a thiante nen chuan an in thlah ta a. Rebek-i chu rang takin in lam panin a tlan haw ta a. A hmanhmawh lutuk chuan an leihlawn bula kutkawr an dah chu a rap sual a, an leihlawnah chuan a tawlh thla ta, leihlawn tawpa a pa lemziak ngainat ber chu a zuk tlawh chhe ta hlauh mai a. Na ti taka awmin a room-ah chuan a tap faih faih mai a. A pa nen hian an inkawm ngeih ngeih em em a. Na a neihte hian apa hnenah Rebeki hi a kal vat a, a pa hian a lo buaipui thin a ni. Tun tum erawh chu a pa hnenah a kal ngam tlat lo, a lemziak tih chhiat sak avang leh a thuawih lo va, hun a hman avangin a hmangaih tawhin a ring tlat lo. Amaherawhchu, a nuteiin a han hriat chuan “Rebek, thil chu i tihsual ngei mahse, heng thil pawi i khawih zep hian i sual chhunzawm zel thei lo ang; i pa chu va hrilh mai rawh” a ti a. Rebeki chuan hreh chung chungin a pa room-ah chuan a va lut a. A pa chuan “Ka fanu a tawpah chuan i lokal ta maw. Ka malchungah hian lo thu rawh le” a ti a. Rebeki chuan, “Ka pa thil ka tisual” a ti a. A pa erawh chuan, “Ka fanu i room atanga i tlanchhuakte, ka lemziak duh tak i tawlh thluk avanga i tlawh chhiat laite kha ka hmu vek a sin, lokal la i hliamte ka tuam dam sak theih nan che ka malchungah lo thu ta che” a ti a. Rebeki chuan, “Ka pa min la hmangaih fo a mi” a ti a. A pa chuan, “Ka fanu, i nun a pai lai che khan ka hmangaih tawh che a sin,engtik lai pawhin ka hmangaih reng dawn che a lawm” a ti a.