KA FIAMTHU A LAWM, FIAMTHU I DAWL LO EM MAI
Thufingte 26:18-19. Thenawmte bum a, “Ka fiamthu a ni lawm ni?” titu chu Mi a, meichher te, thla te, thihna tea mi tihthaihtu ang a ni. Helai thu New living Translation in an rawn lehlin thar berah hi chuan a thiante tihder/dawt a puh, bum emaw tu chungchang a sawina a ni a. Mi hriamhrei hriam tak nena mi tina tu ang hi a ni tiin an rawn ziak hial a ni. A engpawh chu ni se, a thu awmzia hi a in hlat lutuk hran lo e. Mizote hi fiamthu kan duh em em mai a. Kan fiamthu ah hian thudik tak tak kan telh a, kan han insawifiahna-ah hian ka fiamthu a nih kha kan ti mai zel thin. Thudik ni si, fiamthu ang a chan tir hi kan hrat em em mai a. Thupawi emaw kan ngaihmawh thil emaw a awm a nih chuan mimal a in hrilh hi a tha mai awm si a. Mahse, mi hriatah inngaihbel theih tur ang hian, kan in kap leh thin hi chu a tuartu tan chuan a na ve viau lo ang maw tih hi ka lo ngaihtuah mai mai thin. Fiamthu thianghlim tak tak, nuih zatthlak tak tak a awm laia, mi tina thei kan hmang fo mai thin hi chu a va tha lo em. Thudiklo hmanga kan han inrel thinte, kan hriatchian em em loh pawh, chutiang chuan mi in an sawi tih vang ringawt a kan lo phur ve vak thinte. A tuartu in an han hria a, ‘ka fiamthu a nih kha’ kan han ti thla ringawt zel thin pheite hi chu a tuartu tan hian a zia awm phah angem tihte pawh sawi tham a ni. Heng kan fiamthu hmang hian mi rilru kan tina in, mi pawi kan sawi thei, Krista hmel chu keimahnia an hmuh theih lohna turin khuhin a lo awm fo thin hian ka ring ve tlat a ni. Chuvangin, Ringtute, kan chanchin tha hrilh, Krista hmel hliaha a awm loh nan kan fiamthu i fimkhur ang u.