HRIAT VE MAI MAI ATAN
Pi R.Lalhmingthangi, Savidge Colony
Kum 2017 chhung khan kan Kohhran a, Pathianni zing leh zan inkhawm vawi 96 a hun neitute hla thlan zawng zawng (Innghahkhawm lai a sak tel lo) kha hla 245 a ni a. Vawi 245 kan zai a ni. Chung zinga kan sak tam zual pathum (top 3) te ka han tarlang a ni.
1. KHB 61 – Nitin Isua ka thinlungin ka hmangaih deuh deuh a. (Vawi 13)
Vawi 6 theuh
2. KHB 553 – Aw Lalpa, I malsawmna hlu
398 – Nangni chhandam fate tho ru
64 – Lalpa chu fakin ka chawimawi ang.
54 – Isu, I thu ka ngaihtuahin
Vawi 5 theuh
3. KHB 400 – Hneh theih loh nun ka nei
203 – A saw raltiang tlangah
77 – Aw tunah chanchin mak tak chu
363 – Nangma thil ropuite an sawi
BIAKIN LEH ELECTRONIC DEVICE
1. Biakin emaw meeting neihna ah emaw i Cell phone silent mode ah dah thin rawh. Emergency call nei thei dinhmuna i din chuan Vibrate a dah a tha. Inkhawm laia cell phone a lo rik hian biak in inkhawm a ti buai thei a ni.
2. Biakinah Facebook, Social networking site, games khawih suh. Hun tlemte Pathian hnena kan pek theih chhun a nih avangin dah ve ngam hi a tha a ni.
3. Electronic Bible-te, hla bu, Tablet hymn book hman te hi a sual em em lo. Digital world in a ken tel a nih vangin kan la hman zel tur thil a ni.