EDITORIAL

Rilru hrisel neih kan mamawh
Hripui thawh hnihna (Covid-19 second wave)-in India ram min han nuai leh ta tak tak a, a rapthlakin a tawrhhlelhawm hle mai. Mizoramah pawh a hmasa ang ngawt ai chuan kan tuar na ta hle. Hemi avang hian Sorkar pawhin mipui khuahkhirhna dante siamin thla khat aia rei mah inkharkhip kan kal pui ta reng mai.…

Thuawihna
Hripui (Covid 19) thawhhnihna-in min han nuai leh tak mup mupah chuan khawvel a buaiin nunphung pangngaia nun a harsa leh ta hle mai. Sawrkarin hripui laka kan him theihna turin ruahmanna hrang hrang a siam a, chumi zulzui chuan LCTF/VLTF-ten kan awmna veng/khua theuh mil turin ruahmanna an han siam leh a. A hmaa kan nunphung thin kha thlak danglam a lo ngaih tak avangin tam tak chuan hrehawm kan tiin zawm har pawh kan ti hlein a rinawm.…

Tunlai chu thalaite kuthnathawh leh mahnia intodelh lamah kan thangharh tharin ka hria a, hei hi thil lawmawm tak a ni. Youtube lamah mi thenkhat chuan in lo thlir ve thinin ka ringa, LPS kuthnathawktute huangah hian Tualte khua leh Tuipui (Champhai district) lama thalai in tel khawm te’n off season tomato thar chhuah tuma tan an han la tak tak chu thla 4 chhung lekin tomato 50 quintals chuangte mi pakhatin an han thar ta mai thin a nih kha!…

Tunlai kan hun tawn avangin rilruah thil tam tak a awm lai a ni a. Pawimawh ka tih em em pakhat ka’n thai lang ve teh ang. Hri leng avangin khawvel ram hrang hrangten ei leh bar leh nitin mamawh thawh chhuahna kawngah harsatna kan tawk nasa hle a. He kan India ram ngei pawh hi a tuartu zingah kan bang bik lo a.…

Hun engemaw chen hripui (Covid-19) vangin Juniper pawh kan chhuah thei ta lo a. Mahse, Pathianin kan chungah zah a ngaia, kumin 2021 atana a issue hmasa ber kan chhuah leh thei ta hi thil lawmawm tak a ni. Pathianin rem a ti ang a, kumin chuan tluang takin kan chhunzawm thei tawh turah ngai ila. Hrilengin ziaawm lam pan hret hret mahse thalai anga Kohhrana kan hun hman leh kan tih thin tam tak chu la tih a remchang ta chuang lo a.…

“I ram lo thleng rawh se” tiin Lal Isuan tawngtai dan min zirtir angin kan sawi rual thin a. He thu hi a takin kan bawh zui thin em aw? Lo ngaihtuah ve mai mai chhin ila. Kohhran rawngbawlna kawng tin rengah pawh hian keimahni Lalna, kan hmingthatna atan a lo beih ve chiam hi a awm thei lutuk a ni.…

Inkhawmna a kan kal hian eng hi nge thalaite hian kan rilru ah awm thin ang aw tih hi ka rilru ah a awm fo thin. Thenkhat chuan kan taksa damna atante, thenkhat chuan kan nun hahchawlhna atante, thenkhat chuan Lal Isua min hmangaihna avangte, Lalpa fak tur leh amah chawimawi turte in, chhan tam tak a awm ang. Inkhawm kan kal tur kan beisei danah hian kan Inkhawm hlawk pui leh pui loh hi thui takin a in nghat thin.…