“I ram lo thleng rawh se” tiin Lal Isuan tawngtai dan min zirtir angin kan sawi rual thin a. He thu hi a takin kan bawh zui thin em aw? Lo ngaihtuah ve mai mai chhin ila. Kohhran rawngbawlna kawng tin rengah pawh hian keimahni Lalna, kan hmingthatna atan a lo beih ve chiam hi a awm thei lutuk a ni. Krista Lalram ni lo hian keimahni lalram din tum hian kan lo phe ve sek lo maw! Mihring thinlung chhunga duhamna, mahni chiah inngaihtuahna hi sual hian a lo hmang ve thin fo a ni. Lal Davida ngei pawh khan a lo sawi tawh a ni. Tu in nge mahni thil tihsual hre thei ang? Sual inthup lakah chuan mi tifihlim ang che a lo ti a ni. Heng kan sualte a hun taka min hrilh a min khalh ngil thei tu hi a awm a ni. Thlarau thianghlim hian min tanpui in kan dik lohna min hrilh in, a awmpuina leh a hruaina hnuaiah hian Kristian nun diktak chu kan nun chhuah pui thei a ni. Nang ringtu nangmaha Thlarau thianghlim chuan nitin nun dan a zirtir ve thin che em?
