Naupang Pual
Ni khat chu Mupui lian tak mai hian lungpui chunga thu chungin a piaha Sazupui tla lai mek chu man tumin a chang ran mai a. Thawklehkhatah a thla nalh tak mai chu zapin a piah a, Sazupui chu a tin hriam tak mai chuan a va tham chat mai a. Lungpui chungah chuan tui ti takin a ei ta mial mial a. Chutia tui ti taka a ei mial mial lai chuan a piah tlanga lo chang rengtu sapeltu chuan Mupui thin hnunah tak chuan, thalfang zum tak mai chuan a rawn kap ta chat mai a. Mupui chuan a awma thalfang bur reng mai chu a en a. Thalfang hmawrah chuan ama thla hmawr ami ang chiah mai Mupui thla ngei mai chu a lo intawn bet far hlawm a. Lungngai taka en pahin, “Keima thla ang ngei mai midang beih leh tihhlum nana ka lo hman thin ang ngei chuan min tihlum ve dawn ta anih hi,” tiin lungngai tak chungin a thi ta a. Midang tih nat nan leh tihlungngaih nana kan hman thin vek hi keimahni tina turin a lo let thin. Midang tinatu leh tilungngaitu ni lo turin i fimkhur theuh ang u.
Matthaia 12:37 “I thu chuan thiam a chantir ang chia, i thu vek chuan thiam loh a chantir bawk dawn che asin,” a ti.