STK THUHLA
⇒ Vawiin Dt.15.8.2021 hian Kohhran ten Pathian ram tana kan thilpek Envelope chhiar tura ruahman a ni a. Chawhnu dar 1:30-ah Biak In Hall-ah chhiar fel tum a ni ang.
⇒ July, 2021 chhunga Kohhranhoten Pathian ram tana kan thilpek Envelope chu chhiar fel a ni ta a, hetiang hi kan hmuh dan tlangpui a ni:
Pathian ram zauna leh Ramthim (Hqrs-a lut tur) Rs. 10,91,570
KHE, Biak in thar, R&D, Hunpui, Mission (Tch) Rs. 8,86,970
A vaiin Rs. 19,78,540
July thlaa Buhfaithama hmuh Rs. 1,02,210 nen Hqrs-a lut zawng zawng Rs. 11,93,780 a ni.
Tun thla bikah hian Hqrs. target kan tlin lohna Rs. 106,220 a ni a, April – July (Thla li chhung)a kan pek tur hisap kan phak lohna chu Rs. 63,230 a ni.
Envelope 267 sem chhuah atangin 249 (93.25 %) a lo lut.
74th Independence Day
Vawiin hi khawvela Democracy ram lian ber, kan ram, India Independence vawi 74-na a lo ni ve ta reng mai. India-in British Sorkar laka zalenna a hmuh dan leh a kaihhnawih hi tam tak chuan kan hre nual tawhin a rinawm a. Kan hriat thar leh atan tlem azawng han thai lang ve ang aw :
* The Indian Independence Bill chu July 4, 1947-ah British House of Commons-ah ngaihtuah niin, pass nghal a ni a. Kan hriat theuh angin August 15, 1947-ah India chuan zalenna a hmu a nih kha.
* Zalenna sualtute zingah Mahatma Gandhi, SardarVallabhbhai Patel, Jawaharlal Nehru, Tantia Tope, Lal Bahadur Shastri, Subhash Chandra Bose, Chandra Shekhar Azad, Mangal Pandey te an langsar zual.
* India National Anthem ‘Jana Gana Mana’ kum 1911 khan ‘Bharoto Bhagyo Bidhata’ tiin Rabindranath Tagore chuan a lo phuah tawh a. The Constituent Assembly of India chuan January 24, 1950 khan National Anthem atan a puang.
* August 15-a Independence Day kan lawm ni vek hian Bahrain, North Korea, South Korea, Republic of Congo leh Liechtenstein te chuan Independence Day an lawm ve bawk.
* India-in zalennna a hmuh hnu khan Goa state chu Portuguese Colony hnuaia awm a la nih avangin India rama chhiar a la ni ve lo. Kum 1961-ah Indian Army kutah hlan chauh a ni a. India state zinga Indian territory zawm hnuhnung ber a ni.
Zalenna hi a hlu a, hman sual erawh hlauhawm tak a ni. Kristian-te chuan Pathianin duhthlanna (zalenna) min pek duhawm takin Pathian duhzawng tih nan thiam takin i hmang ang u. Kan dam laia kan thiltih hi kan thih hnu lamah tehfung pawimawh tak a ni dawn si a.