BCM THUHLA
⇒ Dt.30.7.2021(Zirtawpni) kha Thalai Kristian pawl (TKP) din champha phak vawi 70-na a ni a. Kumin TKP Day thupui atan “Lalpa lam i hawi ang u” (Tah hla 3:40) tih a ni. Kan hriat angin Covid-19 hrileng avangin nikum atangin Kohhran programme hrang hrang te neih hleih theih a ni lo va. Chutihlaiin, Mizoram hmun hrang hrang leh Mizoram pawna TKP member ten TKP Day vawi 70-na hi hlawk taka an hman theihna turin TV leh YouTube kaltlangin Programme hi buatsaih a ni. Inkhawm hi Dt.30.7.2021 zan dar 9:00 -ah LPS leh Zonet – Zawlbuk channel-ah te pek chhuah a ni a. MTKP YouTube Channel -ah pek chhuah a ni bawk. Rev. K. Lalbiakenga, MTKP Secretary-in a kaihruai a, TKP din dan leh Report tlangpui a pe a. BCM General Secretary Rev. F. Ramdinmawia’n TKP Day chibai bukna thu sawiin, MTKP President Rev. Vanlalmuankima hnen atangin Thuchah ngaihthlak a ni. Nl. Miriam Lalnundiki leh Jonatha Lianhna ten zaia rawngbawlna an nei bawk a ni.
TKP SERKAWN UNIT REPORT – 2021
(Anniversary pualin kumin kan hun hman tawh chin report tlangpui kan han tarlang e)
1. Member : Total – 494
Mipa – 232, Hmeichhia – 262
Junior TKP Member – 69
Dual Member – 66, Thalai Entu la – 90
2. Din ni : 30th July, 1951 (70 years)
3. Unit Office Bearers – 2021
President – Z. Lalthanliana Langva
Vice President – Remlalnghaka Renthlei
Secretary – C. Lalhmingliana
Asst. Secretary – R. Laltlansanga
Treasurer – K. Lalnuntluangi
Fin. Secretary – PC. Lalhmangaihzuali
Senior Adviser – Upa ZD. Lalnunmawia, Upa Dr. Lalramzauva
3. Executive Committee Members hi mi 15 awmin Programme Committee Members hi mi 25 an awm a ni.
4. Juniper Editorial Board-ah hian members 12 awmin Editor hi Pu. R.Lalrintluanga a ni.
5. Sub-Committee hrang hranga hruaitute :
Evangelical Cell : Chairman – Pu R.Laltlansanga
Secretary – Tv. Rohmingliana
Property Incharge : Convener – Tv. C.Lalhmingliana
Worship Sub-Commitee : Convener – Nl. PC.Lalhmangaihzuali
Documentation Sub-Commitee : Convener – Tv. Remlalnghaka Renthlei
Refreshment Sub-Committe : Convener – Pu R. Lalrintluanga
Decoration Sub-Commitee : Convener – Tv. C.Lalruatpuia
6. TKP Serkawn Unit hi Colony 3-ah then niin, Chapman Colony, Lorrain Colony leh Savidge Colony te an ni. Colony Convener leh Asst. Convener 2 theuh awmin hma lak thin a ni a. Kumina Colony target hi Rs. 8,000 a ni. Kumina Colony Convener te chu :
Chapman Colony : Convener : Tv. Alan Lalremruatpuia
Asst. Conveners : Tv. ZD. Malsawmzual, Nl. Lalremruati
Lorrain Colony : Convener : Pu Dr. Joseph Vanlalhruaia
Asst. Conveners : Tv. C. Lawmsangzuala, Tv. Samuel Lalhmangaihzuala
Savidge Colony : Convener : Tv. K. Lalrinsanga
Asst. Conveners : Pu Lalthanzama, Nl. Lalmuanpuii Renthlei
7. Planning (2021)
(i) Leadership Traing neih. (22nd – 23rd January)
(ii) Thalaite mission rawngbawlnaa hma kan sawn zel theih nan leh MTKP-in min beisei angin Missionary Support neih ni se. Kan unit atanga Missionary kan chhuah belh zel theih nana hma lak. (January – December)
(iii) TKP Property tih changtlun zel nana sum kan dah hi dah chhunzawm zel. (January-December)
(iv) Anniversary lawm. (30th – 1st August)
(v) Pathianni zan inkhawm ban TKP tawngtai neih. (January – December)
(vi) TKP member awmna in tina Kohhran inkhawm leh activities-te ngaipawimawh tura ngenna lehkha pek. (February)
(vii) Biak In leh a vel vawn fai kawnga hma lak. (January – December)
(viii) Christmas Carol neih. (16th December)
(ix) Kan Kohhrana Missionary furlough an rawn awmin Rs. 2,000 pek. (January – December)
(x) Inkhawm leh activities online programme hmangin a tam thei ang ber neih. (Jan-Dec)
(xi) TKP Serkawn Platinum Jubilee (2026) lawmna atana sum dah. (January – December)
(xii) Thilpek hmanga luan chhuah a tam thei ang ber neih. (January – December)
8. Planning bawhzui dan thenkhatte :
(i) Planning No 1 : Covid-19 avanga a huhoa programme hman theih loh a nih avangin Resource Person Upa Lalrinmawia’n TKP hruaitu ten kan hriat tur tul te min buatsaih sak chu Committe Member chinah ziaka sem a ni.
(ii) Planning No 2 : Missionary Support hi Faith Promise hmanga lak khawm a ni a. Kuminah hian Rs. 40,000-in support ni se, tih a ni. Lak khawm tan tawh niin, hripui avangin kan boruak te thlir chungin chawlh lailawk leh rih a ni a, remchang hmasaah lak khawm leh tura tih a ni. Kan unit atanga missionary kan chhuah belh zel theih nan tawngtaina hmanga hma lak a ni. Kan unit atanga Missionary-a chhuak mek te chu :
Pu K. Lalengmawia – Bhutan, Tv. LC. Lalrinsanga – ATC, Arunachal Pradesh, Tv. PC.Malsawmdawngkima – BBC, Zawlpui, Tv. H. Lalruatfela – Chamdur ‘P’.
(iii) Planning No 3 : Sound system leh musical instruments tihchangtlun zel nana sum kan dah thin Rs. 40,000 chu kum tawpah dah ni se, tih a ni.
(iv) Planning No 4 : Anniversy lawm chu Covid -19 avangin a huhovin neih thei a ni lo a. Anniversary lawmna budget-a kan Rs. 50,000 atangin Rs. 40,000-in luan chhuah a ni. (Hei hi planning No 12 : Thilpek hmanga luan chhuah a tam thei ang ber neih, tihhlawntlinna kawnga hmalak nan hman an ni.) Inenkawlna Home 5, TNT, Bethel Center, Rescue Center, Beiseina In leh WADA te thilpek hmanga tanpui a ni a. Tin, Serkawn Tualchhung Kohhran huam chhunga chhungkaw 12 te hnenah Rs. 1,000 theuh pek a ni bawk. Anniversary lawmna atan hian Online Quiz Competition (round 2) buatsaih a ni a. 1-na Rs. 1,000, 2-na Rs. 700 leh 3-na Rs. 500 pek an ni. Quiz min buatsaihsaktute hi Upa ZD.Lalnunmawia (TKP huang) leh Pu K.Lalmuanpuia (Bible:Hebrai) te an ni a. Quiz results hetiang hi a ni : 1-na Nl. Laldinpuii Renthlei (Savidge Colony), Tv. K. Lalvensanga (Lorrain Colony), 3-na Pu Dr. Joseph Vanlalhruaia (Lorrain Colony). Dt.30.7.2021 zingah MTKP atanga lehkha kan hmuh angin TKP flag zar niin hunserh tawi hman a ni a. TKP day vawi 70-na lawm nan leh Pathian hnena lawmthu sawi nan Darkhuang vawi 70 vuak a ni.
(v) Planning No 7 : Biak In leh a vel vawn fai kawnga hma lak, tih chu hripui karah a theih ang anga hma lak a ni a. Dt.5.2.2021 (Ningani) zanah Biak In sakna leivung paih hnatlang neih a ni a, mi 30 vel kan thawh chhuak thei a ni. Tin, Dt.12.2.2021 (Ningani) zanah Biak In leh a vel tihfai hnatlang neih leh a ni a, member 50 chuang kan thawk chhuak bawk a ni.
9. Sum tuakna
(i) Piggy Bank – Vawi khat lak khawm tawh a ni. (Vawi 1 kal kan, vawi 1 la lakkhawm tur)
(ii) Envelope – Vawi 2 lak khawm tawh a ni a, vawi 2 dang la bak a ni.
(iii) Blanket suk.
(iv) Committee Member ni 1 hlawh. (La lak khawm loh)
(v) Colony Target – Rs. 8,000. (La lak khawm loh)
10. Dan Puitlinga nupui pasal nei mi 3 kan nei a, chungte chu :
H. Thlamuanpuii, R. Lalramthlengi leh Lalrinchhana te an ni.
11. Bial leh MTKP atanga tihtur te :
(i) Dt.3.2.2021 (Nilaini) ah MTKP Blood Donation Calendar siam angin Christian Hospital Serkawn-ah thisen unit 14 (Mipa – 8, Hmeichhia – 6) kan pe thei a ni.
(ii) TKP Serkawn Pastor Bial Rorel – 2020 thurel bawhzuiin inkhawmpui tanpuina atan unit tinin sumin emaw hnatlangin emaw tanpui ni se, tih chu Rs. 5,000-a tanpui a ni.
(iii) MTKP khawmpui dawltu tanpuina atan unit tinah Rs. 20 khawn tura tih chu khawn fel tawh a ni.
(iv) MTKP Rorel – 2020-in a rel ang a ‘Inkhawmpui pualin unit tinah vawi khat fehchhuah neih’ tih chu Dt.25.7.2021 (Pathianni) chawhnu khan online hmangin neih a ni a. Hetah hian Rs. 34,660 hmuh a ni.
(v) Bial TKP buatsaih Bible Ralchhan chu kan unit atangin mi 45 in kan chhang.
(vi) TKP Ramthim Ni (29th May) thawhlawm Rs. 3,000 pek a ni.
(vii) TKP Day thawhlawmah Rs. 5,000 pek ni se tih a ni.
11. Serkawn Tualchhung Kohhrana chhun luh tur Property Maintenance atan Rs. 4,000 leh Biak In thar sakna atan Rs. 20,000 chhun luh fel tawh a ni bawk.
Secretary,
Thalai Kristian Pawl
Serkawn
Chibai Bukna
Pathian zahngaihna leh awmpuinaa Thalai Kristian Pawl, Serkawn Unit Anniversay vawi 70-na hruai thlena kan awm hi a lawmawmin a ropui hle mai. Inpumkhatna tha zawk nena rawng kan bawl ho zel theih nan Pathianin min hruai zel se la. Serkawn TKP member zawng zawng te Anniversary vawi 70-na chibai Pathian hmingin ka buk a che u. Lalpan Serkawn Unit TKP hruaiin awmpui zel rawh se.
Z. Lalthanliana Langva
President
Thalai Kristian Pawl Serkawn
MESSAGES
Thalâi Kristian Pâwl Serkawn Unit-in kum sawmsarih (70) lai a lo tling ta hi thil ropui tak a ni. Hetiang hun duhawm hruai thlengtu Pathian chu fakin awm rawh se.
Pathian ram chu a tirah thlai tiak te tak te angin a lo tiak a, nasa taka thang lianin a lo puitling a, rah duhawm tak a chhuah thin. Chutiang chiah chuan Pathianin Thalai Kristian Pâwl (TKP) chu a tirah te tak tein Serkawnah hian min din saka, hun a lo kal zel a, tunah chuan pâwl lian leh chak tak a lo ni ta! Lalpa hming chu fakin awm rawh se.
He ni pawimawh takah hian TKP Serkawn Unit member zawng zawngte MTKP aiawhin chibai ka bûk che u a, Pathianin a thatnain vengin kaihruai zel che u rawh se.
KRISTA LEH KOHHRAN TAN
Rev. K. Lalbiakenga
Secretary
Mizoram Thalai Kristian pawl
Thalai Kristian Pawl Serkawn Unit member zawng zawngte 70th Anniversary chibai ka buk vek che u a, TKP Serkawn Pastor Bial aiawh pawhin chibai ka buk bawk a che u. Khawvelah hripui leng avanga harsatna chitin reng kan tawn ngai loh leh kan hmelhriat ngai loh kan hmachhawn chhoh reng karah leh nunphung khaihlak reng renga hun kan hman thin kara he hun thleng thei leh hmang theia in awm hi thinlung takin ka lawmpui tak zet che u a ni. Thinlung duhthusam a hetiang hun (Anniversary), hun ropui leh danglam bik hripui leng avanga zalen taka in hmang thei ta lo erawh pawi ka tih pui che u in, Pathianin hun tha zawk leh zalen zawk a pe leh ngei ang che u tih hi ka ring tlat a ni. Hetiang hun (anniversary) ropui leh danglam bika kan rilru a awm fo tur leh kan theihngilh theih loh fo tur chu, kan hruaitu hmasate hun harsa leh khirh tak tak paltlanga, a sur a sa hnuaia he pawl (unit) tana thahnemngai taka lo kaihruaitu te hi kan theihnghilh loh va anmahni chibai buk chunga hetiang hruaitu min petu Pathian hnena lawmthu kan sawi thar hi a pawimawh hle a ni. Chuvangin, he hun lo thlengah pawh hian he Unit-a vawiin a Member zawng zawng te‘n kan hruaitu hmasa te zahna chibai buk thar lehin hetiang hruaitu min petu Pathian hnenah lawmthu i sawi thar theuh ang u. A tawp berah chuan vawiin a he hun (Anniversary) min hruai thlengtu Pathian hnenah a rawngbawl thei tura pawl ropui tak TKP min pek avangin lawmthu sawi thar leh ila, he pawl din chhan leh kan thutiam te a thara vawng a KRISTA LEH KOHHRAN TAN kan thiam, kan finna leh kan theihna te hmanga kan theihtawpa rawngbawl turin Ama hnena inhlan thar chungin i inbuatsaih theuh ang u. LALPAN A THARIN MALSAWM VEK CHE U RAWH SE.
P. Lalruatpuia
President
Thalai Kristian Pawl
Serkawn Pastor Bial
