TEH DAN DIK
Tv. Alex Lalmalsawma
I Samuela 16:7
LALPA chuan mihring en dan angin a en ve si lo va; mihring chuan pawn lam lan dan an en thin a, LALPA erawh chuan thinlung lam a en zawk thin a ni,” a ti a.
Tupawh mai hian chanchin chhia/tha lo lai kan nei fo a, Rawngbawlna leh nihna chanvo nei pawh nise, famkim lohna a nei ve tho mai mihring a nih miau avangin, mahse, chu a famkimlohna, a tih sual chhete, a nun pumpui teh nan kan hman sak a. Mi hmaa theisen tlak loh leh ar chuk tui lo in kan chhuah a. Chu tehna vang chuan mi nun tam tak a tlu chhia in, an bawksawp phah fo. Ringtu piangthar inti te hian kan tih ve a rem lo. In tawngtaipui a invenpui hi kan tihmakmawh a ni. Thufing-ah chuan, “Mi â chu a ngawih reng chuan mi finga chhiar a ni,”tih ziak ang in kan hriat chian loh leh kan tana tangkai lo ah tawng tam loh hi kan mamawh ber. Chu chu mifinga chhiarna chu a ni si a.
Tupawn thil ti sual rawh se, Thlarauah mitvarna kan nei anih ngai chuan a pawn lam lan dan i en ngai lo ang. A chhungril berah chuan Isua nen a lengdun nun kha a la awm ve reng a, chu mi tilang chhuak thei lo turin sual in alang lamah par a chhuah a ni mai. Chuvang chuan thlarauah mitvarna chuan kut thlak a, in tual vuak, in rel phar lam a thlen tir lo. II Korinth 10:3 Tisaah awm mah ila, tisa indo angin kan indo lova, tisa tak a inbeihna lam a kawk lo, thlarauva inbeihna, in vuakna lam zawk a ni.
Thinlung entu chuan, pawn lam lan danah tumah a teh ngai si lo. Tu pawh mai hian kan mamawh ber chu tawng tlem, mi chanchin hre chiang lo a lo sawi ve loh hi a ni.
Kohhran a inhmang deuh mi chanchin a chhe lai sawi peih deuh ni turin Chhandam kan ni lo.Mahni inchhungkhur lam eng vak ni lo,rawngbawlna leh thildangah induhtawk ve em em ni turin chhandam kan ni hek lo.
Rawngbawlpuite leh thenawm khawvengte chungtlak deuh deuh a tawngkam hmang thin ni tur in chhandam kan ni hek lo.
II Timothea 4:5
Nang erawh chu engkimah fimkhur la, hrehawm tuar la, Chanchin Tha hriltu lam hna thawk la, i rawngbawlna kha hlen rawh.
“Rawngbawl tur a chhandam thisen a lei kan ni tawh si a”