MAHNI INENFIAH
II Korinth 13:5 “Rinnaah chuan in awm emaw, nangmahni ngei inchhin thin ula; nangmahni ngei infiah thin rawh u. A nih loh leh, nangmahniah Isua Krista chu a awm tih nangmahni ngeiin in hre fiah lo vem ni? Duh loh in nih nghal loh chuan”
Tirhkoh Paulan rinnaah kan awm leh awm loh kan inenfiah thin turin min tih hi thil pawimawh tak a ni a. Rinnaa kan awmsia tilang turin eng rah chhuah nge Thlarau Thianghlim zarah kan neih inzawh fo a tul hle.
Mahni inenfiah lovin ringtu tam tak chu midangte rinna kan enfiah a, kan thlitfim sak a, an nunah Krista hmel a lang em kan ti thin. Mahni inenfiah si lova midangte rinnaa an awm leh awm loh enfiah kan tum tlat chuan thil tha lo tak a ni.
Kan sualnate kan hre duh lova, kan fel lohna te kan inhre duh lo fo a, mahni inthiam chawpna leh chaponain kan khat thin. Chu chu setana duhdan a ni. Mahni fel leh tha a inngaih a, midangte fel lo-a hmuhna leh ngaihna te chu keimahni kan inenfiah loh vang a ni thin.
Chutiang mi ringtu kan nih chuan ringtu nun dan tur kan va hmang sual nasa dawn em!
Hmanrua reng reng a hman hun a awm ang hian, kan rinna pawh hi kan thil tawn a zir zelin khawvel laka min tidanglamtu a ni tur a ni.
Thlemna i tawh laiin rinnaah i ding em? Hauhna te, thikna te, hmusitna te i tawh laiin rinnaah i awm em? Thihna te, tahna te, lungngaihna te i tawh laiin rinnaah i awm em? Rinnaa kan awm leh awm loh mahni kan inenfiah fo chuan ringtu nun dik tak kan lo nei thei dawn a ni.
I Korinth 16:13 “Inveng ula, rinnaah chuan ding nghet ula, intihuai ula, chak takin awm rawh u”