CHI TUH RAH SENG
Tum khat chu naupang pakhat hi ramhnuaiah amah chauhin a kal a. Thing hmun nuam tak hnuaia a kal lai chuan a chhak lawkah chuan puk pakhat hi a han hmu nawlh mai a. Puk koltlangah chuan a han dak a, “A va han zau ve,” a ti vak mai a. Puk chhung atang chuan, “A va han zau ve,” a rawn ti let ve ta mai a. Mak ti takin, “Tunge i nih?” a ti leh a, puk chhunga aw chuan, “Tunge i nih?” a rawn ti let ve leh a. Naupang chuan, “Ka tihdan zir suh,” a ti leh a. Aw chuan a tihdan zel chuan a rawn chhang let zel si a. A tawpah phei chuan, “Hmelchhe pa,” “I va zak love,” “Min cho ami?” tih te leh tawngkam chhe tinreng chuan a au ta a. A tihdan anga a tih let zel avang chuan thinrim takin a haw ta a. Inah a nu bula a han sawi chuan a nu chuan, “I aw thangkhawk anih chu, i sawi dan zelin a rawn sawi ve dawn a, i tawnkam a mawi deuh leh tawngkam mawi takin a rawn chhang let che ang a. I tawngkam a mawi loh deuh leh mawi lo takin a rawn chhang let zel ang che,” a ti ta a. Thil tha kan tih chuan kan chungah thil tha bawk a rawn let ve ang a. Thil tha lo kan tih chuan thil tha lo bak let tur kan beisei thei lovang.