LAL ISUA KRISTA MISSION LEH A HNATHAWH DAN
Gangtus Khiangte
a) KRISTA MISSION: 1. Pa, Pathian, khawvela puan chhuah leh hriattir: Isua chuan a pa, Pathian chauh chu Pathian tak, Pathian nung, engkimtithei, engkim chunga roreltu, Hmangaihna Pathian, kanral hmang Pathian, Pathian thikthuchhia anih na hi khawvel hnen a hriattir hi a tum pakhat a ni. Chanchin tha Johana ziakah chiang takin kan hmu thei ang. Chu Pathian hnen kan thlen theihna tur kawng awm chhun leh thlarauva kan hriat/tawn theihna chu amah Isua Krista atang chauhvin anih zia a tarlang bawk. (I Timothea 2:5 Pathian pakhat chauh a awm a, Pathian leh mihring inkara Palai pakhat chauh a awm bawk a, amah chu mihring a ni, Krista Isua…)
2. Setana hnathawh tih boral: Mihring hi sual bawiha tang/hralh tawh Setana bawihte kan ni tih inhriatna atanga (Matthaia 12:25-30 Tin,Isuan an ngaihtuahte chu a lo hria a, an hnenah, “Khawii ram pawh mahni indo apiang an boral thin; khawii khua pawh, chhung khat pawh, mahni indo apiang an ding khawchhuak lo vang…) (I Johana 3:3-5 Tupawh ama chunga chu mi beiseina chu nei apiangin…) khai chhuah a ni.
Tichuan, Lal Isua Krista mission chu setana hnathawh tih boral a ni.
3. KHAWVEL CHHANDAM: Lal Isua Krista mission pawimawh em em chu khawvel (kei leh nang) chhandam a ni. Hei hi a mission pui ber kan ti thei hial ang.
(Johana 3:16-17 Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan. Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e.
I Johana 4:14-15 Tin, Pain Fapa chu khawvel Chhandamtua awm turin a rawn tir tih kan hmu tawh a, kan hriattir a ni. Tupawh, “Isua Pathian Fapa a ni,” tia tan apiang chu, amahah chuan Pathian a awm reng a, ani pawh chu Pathianah a awm reng bawk a ni.)
b) Isua Krista Mission Hnathawh dan:
1. Thuhril : Ram tin ah hnam tin zingah thuhril duhna bik nei lovin an ram leh hnam ze milin(ahma chhawn thin te a zirin) zilhhau/Fuihna leh fakna awka, tehkhin thu nen chanchintha thu tak chu a hrilh thin.
2. Zirtir-ah: Pa, Pathian an hriat theihna tur a zirtir leh midangte hlan chhawn zel hi Lal Isua tih dan a ni. Tehkhin thu hmangin chiang takin ram leh hnam mite ah buai loin Pathian ram thu zirtir in, Biak inahte, tlangahte, khawlaiah te, sunakok ahte pawh a zirtir thin a ni.
3. Thil mak tih/thil tih mak : Lal Isua hian thil mak tam tak a ti a, tui waiin ah chantirin, mitthi a kaithova, tui chungah te kalin beiseina nei lo te tan heng a thil tih mak tak tak te avang chuan miten an beisei a, an lo rin phah a, MESSIA anih zia a thil mak tihin a tarlan thin na hian mite rin a hlawh phah a ni. Ringlo mite zingah he rawngbawlna hi a tangkai zual hle a ni.
4. TIHDAM RAWNGBAWLNA: Lal Isua khan rawngbawlna atan tihdam rawngbawlna a nei nghal a ni. Lal Isuan tihdam rawngbawlna hi angai pawimawh em em a, phar, kebai, mitdel, zeng, etc. tidam in Pathian ram a thlenpui zel a ni.
5. Thlarau inbeihna: Rawngbawlna a tan dawnin setana nen inbeiin thlemin a awm a, mahse thlarau thianghlimin a khah tlat avangin Pathian ram thu thovin hnehna a chang. Tin, a hun lai hian ramhuai tihbuai leh pai an tam em em a, chung mite chu alo tidamin alo hnawhchhuah sak thin a ni. Pathian Isua Krista hi a awm a ni tih tichiangtu chu Ramhuai ho hi an ni.
6. Naupangte leh Tanpui ngai te, mitè/rethei lam te ngaipawimawh thin a ni: Lal Isua hian mirethei te leh tanpui ngai zawk te lamah char char a rilru a pein angaih pawimawh te an ni.
7. THINLUNG (thlarau) RETHEITE TAN TUINUNG LUI PE A, BUATSAIH SAK TU A NI: Mahni nihna ah, thil tih thin leh chanvo/mawhphurhna ah lungawina leh thlamuanna tluantling nei tawh lo te tan, Tui nung lui chatuana kang ve tawh lo tur intir a, buatsaih sak thin a ni. (Samari hmeichhia/zakaia etc) Johana 7:38-39 Tupawh mi ring chu Pathian Lehkha sawi angin tui nung luite a pumah a luang chhuak ang,” a ti a. Johana 4:14 tupawh an hnena ka pek tur tui in apiang erawh chu kumkhuain an tuihal lo vang, keiin an hnena tui ka pek tur chu an kawchhungah tui hna a lo awm ang a, chatuana nun thlengin a chik chho vang,” a ti a.
Krista mission leh thawhdan ngaisangtu (fans) hi mizo zingah chuan kan tam ber lawng maw? Nimahsela, kan kohhran ah hian amah ngaisangtu ni mai lova, phak tawk a sang ber a, A tih dan zirtu, A programme zawng ngat ngat leh amah zui tlattu (Followers) thalai eng zat tak awm ve ang maw?
Nang malsawmna ni ang che.