ARAWN LUNGAWI LO
Ni khat chu arawn pakhat hi lungawi lo tak mai hian a phun reng mai a. Chutih lai chuan sihal hi a lo kal a. “Eng nge i chungah thleng ta a? I phun reng mai le?” a ti a. Arawn chuan, “Ka aw neih ve hi a chhe lutuk a, ka hram danah hian a ka lungawi thei lo a ni,” a ti a. Sihal chuan, “E thiana, lungawi lo mah ta che, hei, lan dan mawi tak i nei thung alawm,” a ti a. Arawn chuan, “Lan dan mawi tak nei mah ila aw mawi tak ka neih si loh chuan eng nge hengte hian awmzia a neih chuan,” ngui tak chungin a ti leh a. Sihal chuan, “Nightingale sava chuan hram dan mawi tak a nei a, chhimbuk chuan mitmeng mawi tak a nei thung, mupui chuan taksa tha tak leh chak tak a nei thung a. Mitin hian mawina lai bik nei tura siam theuh kan nia, i mawina neih ve kha hlimpui mai la a tha tur,” a ti ta a. Pathian hnena atanga malsawmna kan dawn hlimpui thiam apiangte hi mi vannei ber an ni. Thil thlawn pek ngun takin chhiar thin la, mak ti rengin i fak fovang a petu.