KRISTIAN TE INCHEINA TUR
He thil hi kan sawi tam pawl a ni awm e. Mi piangthar te pawn an sawi a. Piangthar a in chhal ngam lo te pawn mi piangtharte inchei dan tur ni awm ang hi an lo sawi ve tho mai a. Incheina hi a lo pawimawh zia a ti lang chiang kher awm e. Amaherawhchu, mawi awm tawk, zahawm tawk kan tihte hi a in ang lo hlawm khawp mai. Kan hmeichhiaten an fen chhin tur tawkte, an tih kir tur tawkte chu ka hrethiam viau lo nangin Bible in a Kristian-te incheina tur a tih hi i lo bih lawk ang. I Peter 3:3-5 pawn lam incheina -sam phiar te, rangkachak thi awrh te-ai mah chuan rilru thuhnuairawlh leh nunnem, thlarau thianghlim a inchei zawk tur hian min duh sak em em a ni. Pathian hian kan pawn lam incheina kan uar thin ang bawk hian kan thinlung leh kan nun danah hian inchei turin min duh a ni. Pawn lama inchei viau mahni nun uluk leh chuang si lo kan lo ni em? Kan thinlung leh kan nun dan Pathian duhzawngin i han inchei tha leh ang u hmiang!