SAKEIBAKNEI HMANGAIHNAA TLU LUT
Tum khat chu sakeibaknei pakhat hian thing kittupa fanu hi a hmangaih tlat mai a. Nupui atana neih hial a duh a. Thing kittupa hnenah chuan a fanu chu nupui atana neih phalsak turin a va dil ta ringawt mai a. Thing kittupa chuan a fanu sakeibaknei nupui atana han neih tir ringawt mai chu a phal bawk si lo a, chutih rual chuan sakeibaknei chu a hlauh em avangin a phal lo ngam si lova. Sakeibaknei hnehah chuan, “Thil pakhat min tihhlawhtlin sak la, tichuan, ka fanu hi nupuiah i nei thei ang,” a ti ta a. Sakeibaknei chuan a lo remtihsak a. Thing kittupa chuan, “Ka fanu hian i kut tin leh i ha hriam tak mai hi a hlau em em a. Heng ho hi i thlawn vek theih chuan ka fanu hi nupui atan i neih ka phalsak ang che,” a ti ta a. Sakeibaknei chuan a lo remtihsak a. Tichuan, a kut tin hriam tak leh a ha zum takte chu a thlawn a, a nupui hruai tur chuan phur tak maiin a kal ta a. Lo neitupa chuan sakeibaknei tin leh ha nei lo chu a lo hlau lo nasa mai a. A phuar hlawm a, khuarkhurumah a thlak ta daih a. Pathian nena khawvel kan hmachhawn hi chuan Khawvel (Setana) hian min hlau em em a. Mahse mihring taka kan thei ve amaw kan tiha Pathian ralthuam tel lova Setana kan hmachhawn thung erawh chuan Setana hian min hlau lo mai ni lovin. Nasa takin min sawp chau a, tlu chhe vek khawpin min awm tir thin a ni tih hi i hria ang u.