Chhandamna Huapzo: Thlarau, Rilru leh Taksaah
PC. Liandingpuia
BCM, Ramzotlang
Thlarau chhandamna hi mihring tan chuan a
pawimawh ber awm e. Thihna kotlanga ding mêk
hnênah thu sawi dawn ila, taksa leh rilru hriselna
lam sawipui chi a ni tawh lovang. Thlarau chhandamna
a chan theih dan tur chauh kan sawipui ngei ngei a
ngai tawh ang. Amaherawhchu,mihring dam `ha zîngah
hi chuan thlarau chhandamna kan chan hmasak a
pawimawh a, rilru leh taksa chhandamna hi kan
ngaihthah a thiang lo bawk a ni.
1. Chhandamna: Thlarauvah
Pathian rawngbawlna lamah rilru leh taksa
zawng zawnga che chhuak, mahse thlarau chhandamna
chang lo leh Pathian thlarau nena inzawmna nei miah
si lovin rawng a bawl theih a ni. Isua Krista rinna
avangin thlarau chhandamna/damna kan chang,
mahse thlarau lama puitling leh hmasawn zui chuang
miah si lovin a awm zui theih bawk. Thlarau
chhandamna i chang tawh maithei mahse thlarau
chhandamna i chan tawh hnu hian i thlarau nun hi a
mhang zui em? Piantharna chu i chang tawh maithei
mahse piantharna i chan hnu khan i thlarau nun a
puitling chho em? tih hi a pawimawh tel. Piangthar rei
tawh deuh mahse thutak hriatna kawnga puitling lo
leh thlarau nun lama puitling chuang miah si lovin
kan awm ang tih a hlauhawm.
Engtia rei nge i pianthar tawh tih hi a pawimawh
ber lo maithei, a pawimawh lai zawk chu i pianthar
tawh hun chhung chuan engtiang chiahin nge i thlarau
nun a puitlin? tih hi a pawimawh. Eng pawh ni sela,
kan thlen chin a`ang khan hma i sawn zel ang u
(Philippi 3: 16). Marka 4: 23 & 24 – ah hian Lal Isuan a
zirtirte a koh chhan pathum kan hmu a, chungte chu:
A hnena an awm theih nan, Thuhril turin, Ramhuai
hnawt chhuak turin.
Lal Isuan a zirtirte a koh chhan te zinga hmasa
ber chu A HNENA AN AWM THEIH NAN, tih a ni. Lal
Isua ke bul a`angin leh amah nena inpawlna leh
lêndunna a`anga rawngbawl turin Isua hian a zirtirte
a ko a ni. Lal Isua ke bula kan `hut leh ama hnena kan
inpawlna a`angin rawngbawl tur kan ni a, chuta `ang
chuan kan thlarau nun pawh hi a puitling chho dawn
a ni. Rawngbawl hman mahse Isua ke bula `hu hman si
lo kan nih chuan kan thlarau nun a puitling tak tak
thei lovang. Thiltih tel lo chhandamna thlâwn chang
turin ISUA KRISTA rinna hi a tawk a ni, mahse thlarau
nun puitlinna erawh a man kan pek a ngai a ni
2. Chhandamna: Rilruah
Isua Krista rinna avangin piantharna kan chan tawh hnu hian, Pathian thlarau nena inpawlhna thuk zawk kan neih si loh chuan pianthar inti mahila rilru hlar rilru damna nei mai si lovin a la awm theih a ni. Piantharna chang mahila Pathian nena inpawlhna thuk zawk kan neih zu loh chuan:
- Pianthar inti si hian rilru kawl deuh puin kan la mung thei
- Pianthar inti mahse rilru zim deuhin a la awm theih a
- Mi nun teh zung zung kan la awlsam a
- Pianthar inti tho si, rilru kha deuh in kan la awm thei
- Mahni diklohna inhmuh thei lo
- Lungawi lo hma, vui hma deuh
- Mite thusawi la kawl hrat – a sawitu rilru pua thusawi ngatlah thiam lo leh lo lak kawih zung zung chin
- Beidawng hma deuh
- Thririmna thunun thiam lo (phuba lak let tum tlata, etc)
- Hun kan awm vang dik hlei thei lo te hi rilru rmasawn lohna pakhat a ni.
In rilru thlarauah chuan a tharin lo awm ula (Ephesi 4:23). Rilru thar kan neihna tur chu Pathian thlarau a nih avangin pianthar hnu hian Pathian thlarau nen inpawlhna thuk tak kan neih zel a ngai a, chu chuan rilru chhandamna/ rilru thar min pe zel ang. Piantharna chang tawh, Pathian nena inpawlhna nei jhat lohna avangin rilru thar nei lo pianthar inti hi kan tam hle a ni.
3. Chhandamna: Taksaah
Pathian rawngbawl tur pawh hian taksa hi a dam phawt a ngai a ni. Taksa a dam that loh chuan Pathian rawngbawlin a chhuah theih tak tak loh. Chuvangin, Pathian rawngbawl hi kan duh tak tak anih chuan manih taksa ngei kan inhawh that a pawimawh. Mizote hian kan tih sual fo ni a ka hriat chu zuntlunhnu neih huna inven chuan, BP san huna inven leh hunhmuhah chuan hih a ni. A pawl tawh huna inven a chuan a pawl hma inven kan zir a ngai. Taksa ber hi a dam that loh chuan thlarau leh rilru pawh hi a dam tha tak tak thei lo bawk. Thlarau chhandamna hi a pawimawh ber, mahse, thlarau dam hna pangngai kan nih chhung hi chuan hriem tak takin Pathian rawngbawlna a hmu theih nan thlarauah mi Thlarau, Rilru leh Taksa chhandamna a ngai ani.
LALPAN MALSAWM RAWH SE