Rawngbawlna
Hmanni chu thian te pahnih hi an lo inhnial bap bap a. An topic chu mak ang reng hle mai a. ‘Ka chhandamtu chu tawk turin, kut ruakin ka kal ang maw?’ tih hla in a sawi, kutruak in an tawk tak tak dawn nge? Tih kha an lo sawiho a lo ni a. Pakhat zawk khan a rawngbawlna vawnah khan thlaraubo man lo khan a lo inhre deuh a, pakhat tan hmun ah ve thung chuan Kohhran ang zawngin missionary kan chawm a, Bible society kan ti bawk a. Kan inrin ai hian thlaraubo hi kan man tam zek lo maw ti khan a lo tang ve bawk a. Nia, Kohhran kan nia,pumkhat kan ni a, kan tih chu a ni. Ka han sawi duh tak zawk a chu, Kohhran activity, missionary ang zawng a, kan rawngbawlnate, chanchinTha kan hrilhnaah te hian kan tel ve em? I rilru, i tawngtaina, i sumin a thleng phak em? Nge ngaihtuah manghlei loin miten an pe, tih vangin i pe ve liam mai thin?
Kan pek chhan leh kan thawh chhan hi ngaihtuah chiang hmasa ila. Kan thawhlawm thawh te, kohhran ang zawnga kan rawngbawl honate, Bible Society ang zawnga chanchinTha kan hrilhna te hi Pathian hian mal min sawm leh zual lo maw. Thawk tawrh, vei zui em em lo, engnge kan tih pawh hre lo a nih chuan kan rawngbawlna, kan sum hmanna ngeiah pawh, a neitu nihna nen PATHIAN hnenah lawmthu kan sawi ngam lo fo dawn tlat a ni. A thawktu missionary ten anmahni bila, thlaraubo hruai ang tlat a ngaihna a lo awm thei dawn a ni. Chuvangin, heng kan kohhran rawngbawlna ang chi ah hian rilru leh ti tak zetin i telve ang u.