KOHHRAN THU THARTE
Vawiin 12.5.2019 Pathianni hi Kohhran hoten Pathian ram tana thilpek Envelope kan lakkhawm ni kha a lo ni leh ta a; theihnghilh lovin chhungtin ten i keng leh theuh ang u. Hqrs. lut turah hian 60-61% vel kan dah theuh chuan kan tlin thei a. Biak In sakna leh KHE leh hunpui te hi kan indaih lohna lai a ni a, R&D leh Mission head te hi kan indaihna laite a ni. Hemi hria hian thawhlawm head-ah dah thiam i zir ang u.
Naktuk 13.5.2019 Thawhtan hian kan kohhran ten Tuikawiah Work Camp neiin kan Missionary-te in sak that sak tur a ni. Mi 16-20 vel kal theih chuan thawhtanah kalin Inrinni ah an lo haw leh hman ang. Quarter hi sak zawh hman beisei a ni. Miten hun puma rawngbawla kum tam tak an lo thawh tawh lai hian chawlhkar khat tal chu hun kan pek ve theih a va tha em.
Pathianni hmasa (dt.5.5.2019) a Gideon International ten Bible lei nana kan kohhrana Retiring offerings an khawnah khan kohhrante thilpek ^ 19,155 lai a tling a, a lawmawm hle a ni. Thilpek petute chungah lawmthu awm rawh se.
Dt.29.4.2019 thawhtan zingah Biak In Lungphum phum anih hnuin dt.6.5.2019 thawhtan zing atangin Gospel Centenary Hall bang thlang lam thiah tan a ni. Gospel Centenary Hall hi a bang thlang lam thiah tan a ni a, hnatlangin kohhran member-ten phur takin thiah tan a ni. Gospel Centenary Hall hi ban thlang ber zawng thiah rih a ni ang a; a bak hi pin phui leh rih a, Biak In chokaa hman rih tur a ni. Biak In choka hi thiah ve leh a ni ang.