Tuarpuina
Kan Kohhran member Pu P.B. Vanlalsiama h/o Pi A.Vawmdawngi chuan dt. 15.3.2020 khan chatuan ram min lo pansan ta a. Kan tuarpuiin a kalsan tak a chhungte Lalpan thlamuanin awmpui zel rawh se.
THUHLA
⇒ TKP Missionary support (Faith Promise) chu March thla lakkhawm fel a ni tawh a. Kan hmuh zawng zawng hi Rs. 16,270/- a ni. Thahnemngai taka thawhtute zawng zawng chungah lawmthu kan sawi e.
⇒ Dt. 14.3.2020 (Inrinni) khan TKP sumtuakna blanket suk hnatlang neih a ni a. Member 80 vel thawk chhuakin, blanket 189 suk a ni. Hetah hian Rs. 20,020 hmuh a ni.
⇒ Dt. 19.3.2020 (Ningani) zan dar 7:00-a Biak In Hall-ah Executive committee leh Programme committee member-ten joint meeting neih tura tih chu tunlai kan thil tawn avanga Kohhranin min ngenna angin thulh a ni.
⇒ Bial TKP-a kan Unit target Rs. 64,000 atangin Rs. 34,000 pek fel tawh a ni.
⇒ STKP Annual Planning No. 7 “TKP member awmna in tin tlawh chhuah vawi khat neih” tih chu group hrang hrang sawm (10) a inthenin February thla chhung khan zawh fel a ni.
⇒ Serkawn Pastor Bial KNP Inkhawmpui Dt. 21 & 22.3.2020-a neih tura ruahman chu BCM General Secretary thu chhuak angin thulh a ni.
⇒ MTKP thuzir bu chu hralh zawh fel a ni a, a man hi dt.16.3.2020 khan Bial TKP Finance Secretary hnenah pek fel a ni.
⇒ STK Emergency Meeting thu chhuak angin dt.4.4.2020 thleng F.O. hrang hrangte programme a awm lovang.
SERKAWN TUALCHHUNG KOHHRAN HRIATTIRNA LEH NGENNA
Dt. 18.3.2020 nilai zan inkhawm bana Serkawn Tualchhung Kohhran Committee Emergency Meeting chuan tunlaia khawvel hmun hrang hranga hri leng, COVID 19 avanga thil awm dan leh General Secretary, BCM thu chhuahte thlir chungin:
1) Pathianni zing, Sunday School, Pathianni zan, Nilai zan leh Inrinni zan leh zing tawngtai inkhawmte,
2) Fellowship Organization hrang hrang inkhawm, inpawlhona, committee meeting leh pawl hminga activity reng reng
4th April, 2020 (Inrinni) zan thleng atan tih rih loh ni se, tiin a rel a.
3) Tumkau Pathianni (5th April, 2020)-ah kan inkhawm theih pawhin, KNP ten tual fanga programme an hman thin ang chu inbuatsaihna neih mumal theih anih dawn loh avangin kumin atan chuan tih loh mai ni se.
4) Mitin mahni ina awm tam tur leh chhungkaw tawngtaina hunte neih tum theuh ni se. He harsatna hi thlarau lam malsawmna ropui tak a lo nih theih nan chhungtinin Pathian hnenah thlen turin inngen ni se.
Sd/-
(UPA LALRINMAWIA)
Secretary,
Serkawn Tualchhung Kohhran Committee
INNEIH SAWMNA
Kan fate Zachamliana Hrahsel s/o H.Lalzoliana (L) leh T.Lalremtluangi d/o T.Vanlalsanga (L) chu dt. 25th March, 2020 (Nilaini) chawhnu dar 2:00-ah BCM Biak In, Ramzotlang, Serkawn-ah an innei dawn a, an inneihna thutiam min hriatpui tur leh a lawmna chawhlui min kilpui turin kan venga chhungtinte kan sawm a che u. Kan veng chhungah sawmna card kan sem hran lova, hei hi chhungtinte sawmnaah min lo pawmsak kan beisei.
Malsawmthangi Fanai T.Vanlalpawla
Ramzotlang, Serkawn Ramzotlang, Serkawn