THUHLA

Jubilee Bible School, Serkawn chu anmahni building, Ramzotlang Serkawnah ruahman lawk angin April 7, 2015 (Thawhlehni) atang khan tan a ni ta. Batch hmasa berah hian zirlai 33 an awm a, an zinga 8 chu missionary thawk lai mek an ni a; mi dang zawng chu Tualchhung Kohhran hrang hrang atanga thlan chhuah te an ni. A tirhah residential veka tih tum a ni nain la inpeih fel hman vek a nih loh avangin Missionary leh Pastor, nupui fanau neite chu Serkawn leh a chhehvelah inluah phalsak an ni.…

Kan Tualchhung Kohhranah tluang taka Good Friday leh Easter Sunday hman zawh a ni a. Good Friday denchhen hian Kohhran zaikhawmna leh inkhawmna hrang hrang te neih a niin thuchah ngaihnawm leh hlawk thlak tak tak te ngaihthlak a ni.

BCM Relief and Development hnuaia Zo-Clinic hmalakna kal zelah Artemesia Annua thing hmanga hmalakna thar neih belhchhah a ni a. Director, Pu M.S.…

Serkawn Pastor Bial Bialtu Pastor Quarter sak hna chu tan a ni ta a. Bazar Shed bul, Pu PT Lalthantluanga quarter thin hmunah khan sak tura ruahman a ni a. Tunkar Nilaini khan Serkawn Pastor Bial BMP te’n a building hlui thiah hnatlang an thawk a, member an thawk chhuak tha hle a ni.

STKP Chapman Colony te chuan tunkar Thawhtanni zing khan Upa C Laldingliana te inah sumtuak hnatlang an thawk a, member an thawkchhuak tha hle.…

Serkawn Tualchhung Kohhran chu Baptist Youth Federation of India (BYFI) inkhawmpui lian, National Youth Conference 2015 dawl turin a inbuatsaih nasa ta hle a. Tunkar liamta khan tuk tin deuhthaw pandal sak hnatlang thawh a ni. Chanchin kan lakkhawm lai hian April Ni 23-26 a neih tur BYFI Inkhawmpuiah hian mikhual 700 vel thleng turin beisei a ni a. Mikhual tam tak a khawma thlen tira common mess pek an nih dawn bakah engngemaw zat chu Tualchhung Kohhran chhungkuate hnenah thlen tir tura ruahman a ni a.…

BCM Assembly 2015 Thlirletna
Mizoram Baptist Kohhran Rorelna sang ber – BCM Assembly vawi 119-na, March 4-8, 2015 chhunga BCM Biak In, Farmveng, Lungleia neih chu tluang takin nizan khan an tiak ta. Hriat theih chianah Rorel Palai inziaklut zat chu – 938 niin Zaipawl member leh chhimtu dang chhiar tel an ni lo a, a dawltu veng – Farmveng-a mikhual riak lut zat hi 542 an ni.…

BCM Hi
Kan Kohhran, Baptist Church of Mizoram chanchin tlangpui, Assembly vawi 119-na BCM Biak In Farm Venga neih meka General Secretary report atangin lo en ila:

Kum kalta (2014) chhunga kan Kohhran dinhmun thenkhat tarlang leh ta ila:-

Report-a a lan dan hian BCM hian Pathian hruainain hmalam a pan zel a, hmasawn takin kan la kal zel tih a lang chiang a.…

Chapman Colony TKP te chuan Dt 24.2.2015 zingkarah khan Upa C Laldingliana (Jr) te inbulah colony sumtuakna leivung thiar hnatlang an thawk a, member an thawkchhuak thahnem hle.

Dt 4.3.3015 atang hian BCM rorelna sang Assembly chu BCM Biak In, Farm Vengah neih a ni dawn a, thupui atan “Kohhran Nung” tih a ni ang. Assembly chhung zawnga inkhawm thawhlawm hi Christian Hospital Serkawna Dialysis khawl lei nan hman a ni ang.…

Mizoram BKHP Inkhawmpui vawi 49-na chu Hnahthial Field-ah neih mek a ni a. Thupui atan “I ram lo thleng rawh se” tih a ni. Kan Tualchhung Kohhran atangin BCM Hqr hruaitu leh BKHP member engngemaw zat an kal.

Vawiin hi BCM Education Sunday a ni a, thupui chu “Zirna Hmanga Enna” tih a ni.

Kan Unit TKP sumtuakna envelope chhiar fel a ni a, Rs 18,650 (singkhat sangriat zaruk sawmnga) hmuh a ni.…

MTKP Rorel
Mizoram Thalai Kristian Pawl (MTKP) Rorel vawi 61-na February 5, 2015-a BCM Biak In, Rahsiveng, Lunglei-a neih a, thurel te member ten kan hriat atan kan tarlang a ni.
THUREL TE :
· Tlabung chhak Tuikawi hmun hi Mizorama Krismas hmanna hmasa ber a ni a, hei hi Mizoram pum huapa hriat a nih theih nan MTKP-in a hriatrengna siamin hma la rawh se.…

Juniper Donation
Juniper hi Kohhran mite tanpuina (Donation) hmanga enkawl a ni a. Kumin 2015 atan hian Kohhran Committee chuan donation hi vawi 4 khawn min phalsak a, February, May, August leh November-ah te hian khawn turin ruahmanna kan siam a.
Kumina a vawikhatna atan Pathianni leh (Dt 8.2.2015) ah hian kan agent te’n an rawn khawn dawn a. Kohhran chhung tin ten Pathian rawngbawlna a ni tih hre chunga thahnemngai taka lo pe turin kan inngen a ni.…