MTKP Rorel
Mizoram Thalai Kristian Pawl (MTKP) Rorel vawi 61-na February 5, 2015-a BCM Biak In, Rahsiveng, Lunglei-a neih a, thurel te member ten kan hriat atan kan tarlang a ni.
THUREL TE :
· Tlabung chhak Tuikawi hmun hi Mizorama Krismas hmanna hmasa ber a ni a, hei hi Mizoram pum huapa hriat a nih theih nan MTKP-in a hriatrengna siamin hma la rawh se.
· Zu hian ram leh khawtlang, chhungkua leh mimal nun leh Kristianna thlenga a tihchhiat avangin, kum 2015 chhung hian zu leh a nghawng that lohna hi inzirtir nise, MTKP-in hma la rawh se.
· Missionary Kai (Tlabung) hmun hi a hriatrengna tur MTKP hminga siam ni rawh se.
· Thalai, Lal Isua neilo ten Lal Isua an neih theih nan MTKP pum huap Chawnghei tawngtai neih ni rawh se.
· Kristian Chhungkaw din kawngah MTKP-in hma la rawh se.
· Christian Hospital, Serkawn (CHS) a ICU tihchangtlun na’n Unit tinin vawi khat fehchhuah neih nise.
· MTKP te hian sumtuak fehchhuah hi kum khat ah vawi khat bak neih tawh loh nise.
· MTKP Inkhawmpui dawltu tanpuina atana Unit hrang hrang te’n fehchhuah kan neih thin hi nei tawh lovin TKP member tin-ah Inkhawmpui tanpuina hi Rs 10/- (Cheng sawm) theuh khawn ni tawh rawh se.
· AIDS awareness chungchang inzirtirna hi uluk zawkin kum 2015 chhung hian MTKP-in kalpui se.
· Ram leh khawtlang nun chhe mek hi siam tha turin MTKP-in hma lak ve ni rawh se.
· MTKP inneih lawmpuina Certificate hi mumal zawka kalpui a nih theih nan MTKP-in hma la rawh se.
· Sum enkawl dan (management & savings) chungchanga hma lak ni se
· Kumin MTKP Rorel hi Palai kal tam ber tum a ni a, Budget ah Rs 9,00,000.00 (Nuai kua) pawm a ni.
February 19-22, 2015 khian Mizoram BKHP Inkhawmpui vawi 49-na chu Hnahthial Field-ah neih a ni dawn a. Thupui atan “I ram lo thleng rawh se” tih a ni ang. Kan Kohhran atangin BCM Hqr hruaitu leh BKHP member engngemawzat an kal dawn a ni.
Vawiin chawhma inkhawmah hian Lunglawn East Biak in, Lungleiah Probationary Pastor atana lak thar mi 5 te lakluh inkhawm (Induction Service) neih a ni dawn a. Pro Pastor lakluh inkhawm hi Rev. C. Lalbiakzama, Baptist Today Executive Editor-in a kaihruai ang a, Rev.Dr. K. Lalrinthanga,AGS i/c Mission-in BCM Pro.Pastor atan a lalutin, Rev. R. Zohmingliana, Pastoral Coordinator-in BCM aiawhin thu a sawi ang. Pro Pastor lak luh thar turte hi heng te hi an ni:
1. Pu Zirsangzuala Hrangchal, Haulawng Lamthuamthum – Buarpui bial-ah
2. Pu F. Ngursailova Darzo – Diltlang Pastor bial Khawmawi-ah
3. Tv. Lalhlenzova Diltlang – Haulawng bial-ah
4. Tv. C. Lalhriatpuia New Khawlek – Lungrang bial, Chawngte ‘L’ ah.
5. Tv. Joseph Lalrammuana s/o S. Taithanga (Lunglawn East) – Republic bial Falkawn-ah.
Chapman Colony TKP te chuan Dt 10.2.2015 zingkarah khan Upa C Laldingliana (Jr) te inah sumtuak nan lei thiar hnatlang an thawk a, member 20 vel an thawk chhuak.
Music Video
Tukin inkhawm banah hian Serkawn KNP te chuan an music video album siam thar hla panga awmna chu Kohhran mipui te tana lei theihin an zuar chhuak dawn a. Disc pakhat Rs 100/- aia tlem lova lei theih a ni ang. Kohhran mipuite tlawmngaia leisak theuh turin min ngen a ni.
Lawmthu Sawina
Kumin, 2015-a a vawikhatna atan Dt 8.2.2015 khan Juniper Donation kan khawn a, Rs 5060/- lai kan hmu a. Pathian leh A Kohhran chhung tin te chungah kan lawm em em a ni.