CAMPING LEH CRUSADE THUPUAN (SAWMNA)
Upa C.Lalzarmawia
Secretary,
STK:Camping & Crusade Committee
Serkawn Tualchhung Kohhran chuan kan hmalawk hian Camping leh Crusade-a buatsaih dawn a nih kha, he Camping leh Crusade-ah hian Kohhrante hriat tur leh kan tih turte leh Camp kal tura sawmna kan han tar lang ange. Khawngaih takin ngun takin i chhiar chhuak vek ang u :-
1. Camp vawi 1-na : 4th – 8th Sept. 2018
2. Camp vawi 2-na : 11th -15th Sept. 2018
3. Crusade :
1) 1st – 2nd Sept. 2018(Zan leh zing Inkhawm)Pre –Camp Crusade
2) 8th – 9th Sept. 2018 (Zan leh zing Inkhawm) Follow -Up Crusade
4. Speaker : Rbt.R.Lalrinliana leh Deriela Team
5. Camping-na Hmun : Laldenga Park, Kawmzawl
CAMPING HNATLANG :
Camping kan neihna tur hmun hma leh riahna tur thuam that, Sermon hall leh choka buatsaih felte, Campers-te riahna tur buk zar belh te, Electric leh tui pipe siamthat te, Biak In atanga Bungraw chi hrang hrang phurh pheite leh thawh tur tul tam tak a awm dawn a. Chuvangin, 1st leh 3rd Sept. 2018 (Inrinni leh Thawhtan) hian Kohhran hnatlang koh a ni a, Kohhran mipuite a thei apiang hnatlang turin kan in sawm a ni.
REGISTRATION LEH CAMP LUH HUN :
Registration hi 4th leh 11th Sept. 2018 (Thawhlehni) hian chawhnu dar 2:00 – 3:00 inkar-ah Bazar Shed-ah tih fel tur a ni ang. Tichuan, dar 3:00 P.M. ah a rual tlanga Bus pakhata camp hi luh tur a ni, mahni duh hun hun a, camp luh hi phal a ni lovang.
CAMPING PUAL TAWNGTAI : Camping kan neih lai dt. 4th – 7th Sept. 2018 leh 11th – 14th Sept. 2018 (chhun leh zan)ah hian Camping Pual tawngtai Sunday School Hall-ah neih thin a ni dawn a. Chhun lamah dar 11:00 A.M. – 2:30 P.M. leh zan lamah dar 7:00 P.M. atanga tanin neih thin a ni dawn a. Kohhran hruaitu, TKP, BKHP leh BMP member-te a tam thei ang ber tel hram hram turin kan insawm a; atir a telve hmanlo pawhin kan hman hun hunah inthlahrung miah lova tawngtaina hi zawm ve zel turin kan in sawm a ni.
CAMP LUT ANG AW !
He kan Camping buatsaih hi a duh apiang tan a ni a, huapzo Camp a ni i ti mai ang. Zu leh Drugs bawih atang te, piangthar lo te, piangthar tawh hnungtawlh mek tan te, Kohhran leh FOD hrang hranga in hmang mek Thlarau lam malsawmna dawng duh tan te, kan zavaia tan buatsaih a ni e. Chuvangin, he Tualchhung Kohhranin Camping a buatsaih-ah hian lo lut ngei ngei turin kan in sawm mawlh mawlh a ni e.
“Hmuh awla a awm lai hian Lalpa chu zawng ula,a hnaih lai hian ko rawh u” Isaia 55:6
“Ngai teh u,tun hi hun lawmawm chu a ni a; Ngai teh u, tun hi chhandamna ni chu a ni” II Kor. 6:2.