ANNIVERSARY CRUSADE
TKP day/Anniversary lawmna ni pah fawmin STKP te chuan Anniversary crusade neih ni se kan ti a. He kan Unit rising day/ TKP day hi ruaitheh a bul tanin, Crusade nuam tak leh hlawk thlak takin kan hmang ho a ni. Kan Speaker hi Pp.Lalramchuana a ni a. Tlangval hnah khat kan kum rualpui a awm, Kristian nuna kan harsatna leh thalaiten kan thatlai huna kan hmachhawn ang paltlang ve thalai, speaker a Pathianin min pe hi kan lawm hle a ni.
Crusade zan khatnaah hian “Khawih nawn ngai ringtu” tih thupuia hmangin sermon nung tak kan ngaithla ho a. Khawinawn ngai ringtu chi hrang hrang pathum kan ngaithla a. Chungte chu:-
1. Marka 8:22-26: Betsaida mitdel khawihnawn thu. Betsaida mitdel tihdam hian khawihnawn a nih hma chuan mihring chu thing kal ang maiin a hmu a ni. Isuan tihdam nan chil leh kut a hmang. Isuan min khawih nan hian kan duh ang zawng ni lovin ama duh zawng zawk a hmang thin a ni. Pathian hmanrua te hi kan lo hmusit palh mai ang tih a hlauhawm hle a ni.
2. Johana bung 3: Isua leh Nikodema, Nikodema hi sakhaw hruaitu fel a ni. Nikodema hi sakhaw hruaituah chuan Judaten an ngaihsan pawl tak a ni. Mahse, chatuan nunna nei turin Isua a pan. Mizoram TKP fel tak tak zingah Nikodema anga chatuan nunna nei si lo, kohhrana in hmang TKP active member ni si a awm theih a ni tih kan ngaithla a ni.
3. Johana 21 thu-ah, Petera khawih nawn a nih kan hmu. Petera kha Lal Isua zuitu a lo ni tawh. Nimahsela, Lal Isuan Tiberia dilah khan Petera chu a khawih nawn a ni. Lal Isua i hmangaih em? I duh dan anga rawngbawl a, zui lovin, a kotu Isua duh dan zawk anga zuia, hmangaih turin Lal Isuan a phut a ni.
Crusade zan hnihna ah hian “Ringtute chhinchhiahna” tih thupui hmangin sermon kan ngaihthla. Matthaia 22:11-14. Ephesi 1:13-14. Lalin a lawichaw ei tur zingah khan inneihna thuam a in thuam lo kha a lo thu ve a ni. Juda danah chuan lawi chaw eitur chuan inbual faia inneihna puan inbel chungin lawichaw kil turin an kal thin. Amaherawhchu, kha pa kha inbual failo leh inneihna puan inbel lo in a lo awm ve a. Pawnah thimah, tah leh ha thialna awmnaah an paih chhuak ta a ni. Inneihna puan hi Thlarau thianghlim nena tehkhin/sawi zawm a ni. “Sawmte chu tam tak, thlante chu tlemte an ni” thlan zingah i tel ve dawn em? Vanram lut tur hian keini Kristiante hian thlarau thianghlim a chhinchhiahna kan neih ngei a ngai a ni. Speaker in Thlarau thianghliam a nei a ni tih a inhriatna (Speaker testinomy) kawng hrang hrangte, Midang sual ni lovin ama sual a hmu zawk ta a ni. Thlarauthianghlimin a sual a hmuh tir a, thil mi chunga a tih sualin ngaihdam dil a tul tlat avangin ngaihdam a dil leh thin. Sual huatna a lo nei ta, Thlarau thianghlim leh sual an chen dun theih loh avangin sual a lo haw ta a ni. Thlarau thianghlim in a ngaihdan/thlir dan a thlak sak. Solfa lo hi chuan Pathian fak ka tui ngai lo, Amaherawhchu, Thlarauthianghlim chhinchhiah ka nih hnu chuan Solfa emaw, lengkhawm emaw pawh ni se, Krista min chhandamtu fakna a nih chuan tui takin Pathian ka lo fak thei ta a ni.
Crusade tawp zan, MTKP day thupui “Pathian chunglam koh chhan” tih hmangin sermon kan ngaithla. Nehemia 1:3-4. 2:17-18. Kan ram chhiatna siamtha tur hian keini TKP member-te hian Nehemia anga kan vei a,kan thawhchhuah a ngai a ni. Kan ram hi kan vei ve miah lo a nih chuan Piangthar dik taka kan in chhal thei lo ang. Kan piantharna hi kan hnathawhnaah, kan inngaihzawnnaah, kan inthenawm khawvennaah ti lang chhuak turin Lalpan min ko a ni. Chumi ti tur chuan Tirhkoh Paula anga hrehawm tuar talh talh turin min sawmna in hun a khar a ni.
“Serkawn TKP te mamawh tur hi mi ka zawt lova, Pathian hnenah STKP-te mamawh tur hi min pe rawh ka ti zawk.”
Pp Lalramchuana