JUNIPER TIH HI
JUNIPER hming hi Bible-ah I Lalte 19:4 ah kan hmu a. A hming putu hi thlaler ram thing tereuhte, kumtluana hring, tawi bim bem a ni a. The Living Bible chuan ‘Broom Bush’ tiin a dah a, hmunphiah atana hman thin pawh a ni ve awm e. Chutiang thing tereuhte, ngaihhlutawmlo tak chu a ni nain, chhui chian a dawl ngei mai. Chamber Dictionary chuan kumtluana hring reng, a rahte pawh in tur tui tak an siam nana an hman thin niin a sawi. Kan Bible-a a lo lannaah chuan Pathian zawlnei ropui tak, Elija, a hmelma hlau a hah tak leh chau taka tlan chhia chawlh hahdamna leh tui taka a mutna, daihlim nuam tak petu a ni tih kan hmu. He thing tlawm tak, hmunphiah mai maia an hman thin chuan mihringte ei tur rah tui tak a chhuah bakah thlaler ram rovah pawh kumtluana hring reng mai, amamawhtute tana englai pawha hlim nuam tak pe thin a ni a, chu mai bakah Pathian zawlnei Eliza, Baal puithiam 450 tlawm vektu pawh chau leh beidawng taka a awm laia tiharha, tichaktharlehtu a ni.
………………………..
BCM MISSION FIELD REPORT
Dt 28.12.14 Pathianni inkhawm ban khan CBC Moitiadam ah ringthar Baptisma mi pali in an chang a, he baptisma chan hi Rev.Jomadon in a kaihruai a ni. He kohhran hi Evangelical Teacher M.Lalrinzuala BBS leh F.Lalthangzuali(Thisen Cancer kan tawngtaipui thin kha)-te enkawl kha an ni a, Chawngte leh Saizawh inkara awm a ni. Pathian hnenah lawmthu i sawi ang u.
………………………
Bhutan rama kan Missionarry leh kan kohhran member Tv Lalengmawia te pawhin nikum kristmas kha Bhutan ah hmangin ringlo mi Bhuddhist chhungkua te chaw eiah sawmin christmas awmzia te hrilhfiahna hun te hmangin, Pathian thu hrilhna hun remchanga hmangin hun hlimawmtak an hmang a ni tih report kan dawn a. Pathianin heng ringlo mite thinlungah hna a thawh chhunzawm ngei theihna turin tawngtaipui thin turin kohhran mite min sawm bawk a ni.
…………………….
January atanga Dececember, 2014 chhung khan Chakma Mission ah ringthar Baptisma Chang 474 an awm. Pathian hnathawh ropui takte avangin lawmthu i sawi ang u.
……………………
Dt 25.Dec.14 khan Arunachal Pradesh-a Lumpo kohhran ah mi pasarih(7) laiin Lal Isua hnena inpe in ringtu baptisma an changa, Dt 28.Dec.14 zing khan Mebo kohhran ah mi pali (4) in baptisma an chang leh bawk. Pathian hnenah lawmthusawiin i tawngtaipui thin ang u.
………………….
Dt 1.Jan.15 khan Gorjung(Telliamura) Tripura Field ah tlangval thiau mi pasarih(7)- in baptistma an chang leh bawk. Pathian hnenah lawmthu i sawi ang u.
………………..
LAWMTHU SAWINA LEH NGENNA
Kum alo thar leh ta a, nikum (kum-2014) kumtluana Juniper min sem saktu(Juniper Agent)-te chungah lawmthu kan sawi a, rawngbawlna-a ngaia tlawmngai taka min sem sak avangin lawmthu kan sawi a ni. Tin, nu leh pa ten in fate phal taka kan ngenna te min ngaihpawimawhsaka in fate Juniper semtura kan sawmna min pawmsak avangin lawmthu kan sawi bawk a ni.
Kumin ah hian Juniper agent turin nikuma min semsaktute kan han beisei leh a, tlawmngaichhuaha min sem sak leh turin kan in ngen bawk a ni. Rokhawlhna avanga theilo tur te chuan, Juniper Editorial Board Member te hnenah a rang lama sawi mai turin kan in ngen a ni.
………………..
TUN THLA (JANUARY) INKHAWM ZAI HRUAITU TURTE :-
KHUANG VAWTU
Upa K. Zathuama (Leader)
Pu PC Lalbuanga
Rbt C. Lalthantluanga
KEYBOARD
Tv HC Lalrinliana
Nl Lalmuanpuii
Tv L. Lalrotluanga
HLAHRIL
Nl R. Lalthansangi
Nl R. Lalhriatzuali
Mike-a Zaihruaitu
Tv Lalruatkima Renthlei
Rbt C. Lalchawimawia
………………..
Bialtu Pastor Programme
Tukin zingah BCM Zohnuai East Kohhranah rawngbawlna a nei ang.
………………..
Juniper ah hian….
Kohhran member a duh apiang tan inthlahrung lovin Sermon thawh theih reng a ni. thurawn kan dawng thei reng bawk e.