THUHLA
⇒ Dt.13.3.2021 (Inrinni) khan TKP ten sumtuak nan Tlawng luiah Blanket an su a. Hetah hian member 87 vel thawk chhuakin blanket hi 202 lai suk a ni a. Heta tanga sum hmuh (hlep) hi Rs. 27,460 lai a ni. Thahnemngai taka thawk chhuakte chungah STKP chuan lawmthu a sawi tak meuh meuh a ni.
⇒ April thla atang hian Missinary Support (Faith Promise) chu khawn tan leh tur a ni a. Hei hi member tinah khawn a ni dawn lo a, a pe duhte chuan Unit OB-te hnenah emaw, Colony Convener-te hnenah inhriattir nise a lawmawm hle ang.
⇒ Dt.24.3.2021 (Nilaini) zan khan Lorrain Colony TKP te chuan sumtuakna inhlawhfak neiin, Pastor Lalremsiama Ralte te in saknaah leivung thiar hnatlang an nei a. Member 20 lai an thawk chhuak thei a ni.
⇒ April thla lo awm tur hian TKP sumtuakna zinga pakhat Piggy Bank chu khawn a lo hun leh dawn ta a. Piggy Bank hi member-te in lamah cham rei deuh tura ruahman niin, thahnemngai taka lo thlak leh turin member-te kan inngen e.
⇒ Serkawn Pastor Bial rorelin a pass pakhat, Christian Hospital Serkawn tan Dialysis khawl leina Budget-ah Rs. 10,00,000 dah a ni a. Hei hi Christmas hma deuh khan bial hian a hlan fel a. Tunkar khan Dialysis khawl hi chah fel a ni. Khawl man hi Rs. 7,17,857 a ni a, accessories lei belh ngai Rs. 15,000 vel a la awm bawk.
SERKAWN PASTOR BIAL ASSEMBLY TARGET 2021-2022 SEMNA
| Sl. No |
KOHHRAN | MEMBER | TARGET 2020-2021 |
TARGET 2021-2022 |
PER HEAD | PUNNA/ TAMNA |
PUNNA% | THLA TINA TLIN NGAI |
| 1 | BCM Serkawn | 1166 | 1,43,00,000 | 1,56,00,000 | 13379.07 | 13,00,000 | 9.09 | 13,00,000 |
| 2 | BCM Ramzotlang | 1253 | 1,20,00,000 | 1,35,00,000 | 10774.14 | 15,00,000 | 12.50 | 11,25,000 |
| 3 | BCM Zohnuai | 1051 | 78,00,000 | 88,60,000 | 8430.06 | 10,60,000 | 13.58 | 7,38,333 |
| 4 | BCM Zohnuai East | 566 | 42,70,000 | 48,50,000 | 8,568.90 | 5,80,000 | 13.58 | 4,04,167 |
| 5 | BCM Khawiva | 66 | 1,00,000 | 1,50,000 | 2272.73 | 50,000 | 50.00 | 12,500 |
| Total | 4102 | 3,84,70,000 | 4,29,60,000 | 10472.94 | 44,90,000 | 11.67 | 35,80,000 |
BCM NEWS
March ni 20, 2021 Inrinni khan, Salt Lake Kolkatta-ah Mizoram Baptist Kohhran in Kohhrana thawktu te, damlo damdawi in pan te leh a mamawh te tana pan theih tura a buatsaih Baptist House, Kolkata chu General Secretary Rev. F. Ramdinmawia’n a hawng ta. Baptist House hi BCM Assembly bawhzuina niin, September 2019 khan building awmsa cheng nuai 390-a lei in, Guest House leh thawktu te Quarters atan buatsaih a ni ta a ni. Building hi Floor thum niin, a awmna ram zau zawng hi 3204 sq.ft a ni a. Mikhual thlen theihna room paruk (room pangngai 4 leh deluxe room 2) khum 16 awmna a awm a, choka leh dining hall a awm bawk a ni. Heng bakah hian Regional Director Quarters leh thawktu dang quarters pahnih bakah Garage zau tha tawk tak a awm bawk a ni.