Souvenir magazine hming tur thehlut duh chuan Pu R. Laltlansanga (Ph-9862788123) emaw Nl. Deborah Zonunpuii (Ph-8132841044) hnenah thehluh theih a ni ang. February thla ral hma ngeia thehluh tur a ni.
⇒ Mizoram Baptist Kohhran inrelbawlnaa committee pawimawh tak, Assembly Executive Committee (AEC) Meeting chu January 28 leh 29, 2026 khan BCM Hall, Serkawnah tluang taka neih zawh a ni. Meeting hi BCM President Rev Dr. C. Vanlaldika kaihhruaina hnuaia neih a ni.
SUNDAY SCHOOL THUVAWN
Beginner : Hnam tin zingah a ropuizia hril ula, mi tinrengte zingah a thilmak tihte chu hril rawh u. Sam 96:3
Primary : “Aw ka nunna, LALPA chu fakla, a thiltih that zawng zawng chu theihnghilh suh.” Sam 103:2
Junior : Mi dang tu mahnenah chhandamna a awm lo; van hnuaia mihring sak zingan, min chhandam tur hming dang reng a awmlo,” a ti a. Tirhkohte Thiltih 4:12
Intermediate: I hnenah lawmthu ka hrilh ang che, hlauhawm tak leh mak taka siam ka ni si a; I thiltihte hi mak tak a ni a; chu chu ka nunna hian a hre chiang hle a ni. Sam 139:14
Vawiin hi Baptist World Alliance (BWA) Day a ni a. Thupui atan ‘Krista a innghat Kohhran’ Matthaia 16:18 atanga lak chu hman a ni. BWA hi khawvela Baptist Kohhran inzawmkhawm lian ber a ni a, member partner hi ram 138 atangin Kohhran/Association 283 inzawmkhawm a niin, Kohhran member puitling 53,000,000 an awm mek a ni. BCM pawh partner member niin rawng kan bawl ho mek a ni. BWA-ah hian Commission Member BCM atangin pahnih kan nei mek a – Rev Dr. Rodinmawia Ralte, Principal Academy of Integrated Christian Studies (AICS) Tanhril, Aizawl leh Upa Jacob Vanlaltana Khiangte, Chairman, APBY, BCM Sethlun.