TKP THUHLA
⇒ Serkawn Unit TKP te’n kumina kan Annual plan zinga pakhat ‘Thilpek hmanga luan chhuah a tam thei ang ber neih’ tih chu a bawhzuina atan hma lak chhunzawm tum a ni a. Chumi atan chuan kan TKP member missonary-a kal mek te pahnih Tv.H. Lalruatfela leh Tv. PC.Malsawmdawngkima te thawhna hmunah a mamawh te tan thawmhnaw pek tum a ni a. Hemi atan hian TKP member ten kan remchan ang leh kan phal ang ang thawmhnaw te pek khawm ni se tih a ni a. Colony Convener-te leh Colony hrang hranga OB awm remchang ten in tinah kalin an rawn khawn dawn a. Member-te thahnemngai takin kan remchang dan anga lo thawh turin kan inngen a ni e. TKP member ni kher lo rawngbawlnaa ngaia pe duh kan awm anih pawhin kan awmna colony convener-te emaw OB-te emaw hnenah hriattirin a pek theih reng e.
⇒ TKP Christmas Carol:
Kumina TKP annual planning-a dah te zing ami ‘Christmas Carol neih ni se’ tih chu a hnuaia hun leh hmun ruatah hian neih tum a ni a. Member-te a tam thei ang ber tel turin kan insawm e.
A hmun : BCM Mual
A hun : Dt.18.12.2021 (zan)
6:30 pm
Hunserh : Upa ZD.Lalnunmawia
Solo :
Tv. Lalrinchhana
Tv. Alex Lalmalsawma
Tv. Lallianzuala Khiangte
Nl. Lalnunmawii Renthlei
Nl. R.Lalhmangaihzuali
Pathian faka inpawl hona hun hlimawm tak hman ho tum a ni a. Kumin Covid-19 hri lengin min tihbuai avangin TKP-te inpawl hona hun tha kan nei tam thei lo va. Chuvangin hei hi hun remchangah ngaiin TKP member-te bakah Kohhran member a thei thei te min telpui turin kan insawm e. A hmunah hian mei lum tha tak mai ai tur a awm dawn bakah refreshment tuihnai tak sem a ni dawn bawk e.