TKP THUHLA
⇒ TKP sumtuakna zinga pakhat envelope (June) chu lak khawma chhiar fel a ni a tawh a. Rs. 35,760 lai hmuh a ni. Thahnemngai taka thawhtute chungah lawmthu kan sawi e.
⇒ Dt.26.7.2021 hi Juniper Anniversary vawi 34-na a lo ni ve leh ta reng mai. Juniper rawngbawlnaa lo tela tha lo thawh tawh zawng zawng te leh Kohhran member zawng zawng te Anniversary chibai kan buk a che u.
⇒ Kan hma lawk Dt.30.7.2021(Zirtawpni) hi kan unit TKP anniversary a lo ni leh ta reng mai a. Hri avanga kum dang anga hman a nih theih dawn tak loh avangin executive committe chuan ruahmanna a siam a. Anniversary lawmna atana budget Rs. 50,000 atangin a theih ang angin tiang hian hman ni se tih a ni :
1. Thilpek hmanga luan chhuah : Rs. 40,000 dah a ni a. Home leh mimal tanpui ngaite a tam thei ang ber tanpui tum a ni.
2. TKP 70th Anniversay Quiz : 1-na Rs. 1,000, 2-na Rs. 700, 3-na Rs. 500. (Hei hi Dt.24.7.2021 zan khan zawh fel a ni a. Karleh issue-ah results tarlan a ni ang.)
3. Anniversary pual inkhawm YouTube lama tih chhuah tura hma lak mek bawk a ni.
BCM THUHLA
⇒ Senate of Serampore College (University) hnuaiah Jubilee Bible School, Serkawn kaltlangin Extension programme a hnuaia course tarlan te hi dil alo hun leh ta a, a dil duh tan dil theih a ni. BCS course hi kum 4 zir tur a ni a, Dip.CS hi kum 2 zir a ni. JBS hi External Examination Centre atan pawm fel a ni tawh bawk. Hre chiang duh tan office hun chhungin Rev. Joseph Vanlalruata (Ph – 9954098204/7896637510) Principal, JBS zawhfiah theih a ni.
| Course zir theih te | Zir hun chhung | Dil thei chin |
| Bachelor of Christian Studies | 4 years | Graduate & Above |
| Diploma in Christian Studies | 2 years | Class XII & Above |
⇒ BCM Administrative Committee-in Covid Hospital buatsaih ni se ti a Dt.1.7.2021-a a rel chu a tul anga bawhzui zelin Sub-Committee tum hnih lai thukhawmin ruahmanna pawh engemawchen siam fel a ni ta a. A hming atan hian ‘Baptist Covid Care Centre’ (BCCC) tih a ni. A awmna hmun tur hi R&D office awmna thin Ramzotlang a ni ang a, tunah hian buatsaih mek a ni. Baptist Covid Care Centre din tur hian sawrkar lam atang pawhin phalna hmuh fel tawh a ni a. BCM hnuai a thawk lai doctor, nurse, technician leh thawktu dang ten a hmunah an awm chilh ang a. Tun dinhmunah chutianga thawk thei tur doctor, nurse leh staff dang engemawzat an inpe tawh a. He BCCC hi Covid hripui in min nuai chhung atan chauh ruahman a ni.
A hmunhma buatsaih hna ngawrh taka kalpui mek niin, Dt.28.7.2021 (Nilaini) a hawn hawn beisei a ni.
TKP TOBUL
Kohhrana thalaite puala rawngbawlna huang hran siam tura uluk leh fimkhur taka an ngaihtuah hnuah, July 30, 1951-khan Serkawn-a thalai rualte leh kohhran upate chuan kan Zosap Missionary-te kaihhruaina hnuaiah Thalai Kristian Pawl hi an lo din a. Hruaitu hmasa te chu President – Pu Lungruala, Vice President – Pu Vanlalkunga, General Secretary – Pu K. Lalliana, Treasurer – Pu T. Ropianga, Senior Adviser – 1) Rev.H.S.Luaia 2) Upa C.Saizawna 3) Zomawia Nu (Mrs FJ.Raper) 4) Pu Lalmama te an ni. Executive Committee members Nl. Rothuami, Pu Hrangthanga, Pu Lalsawma, Pu Remkunga leh Pu Thanghmuna te an ni. Thalai Pawl din hi Presbytery (tunah Assembly)-in a lo phalsak tawh avangin 1952 Presbytery inkhawmpui (Pukpui) chuan Thalai Kristian Pawl lo ding ta chu a pawmpui nghal a. TKP hi Presbytery hian Biala din phalna a pek nghal bawk avangin bial hrang hrangah pawh TKP hi din nghal a ni. Hetih lai hian Mizoram hi Assam state chhunga district pakhat mai a nih avangin TKP inkhaikhawmna pawh District TKP tih a ni a. District TKP inkhawmpui hmasa ber pawh 1955 khan Pukpui-ah neih a ni. Hun rei tak chhung chu TKP Day atan hian District TKP inkhawmpui hmasa bera (1955)-a ni hmasa zawk, October 22 chu hman a ni thin a. Amaherawh, chu he ni hi dik tawk lova hriatna a awm avangin MTKP Rorelna chuan vawi hnih/thum lai a ngaihtuah hnuin 1995 MTKP Rorelna (Sethlun) chuan Kohhran hruaitute leh kan missionary-te kaihhruaina hnuaia Serkawna TKP an din ni, July 30 hi TKP Day-ah hman ni tawh se a ti a. Chu chu BCM General Committee pawhin a pawmpuiin 1997 atangin TKP Day hi July 30-ah hman a lo ni ta a ni.
(Next issue hi kan Unit Anniversary puala buatsaih kan duh avangin helam thu hi kan han chhuah hmasa rih a ni e. Kan Unit Anniversary leh Mizoram TKP Day hi a inang chiah tih kan lo hre bawk dawn nia.)