KOHHRANTE HNENA HRIATTIRNA
Lunglei District Headquarter huamchhung chu Dt.17.7.2021 zanlai atanga Dt. 24.7.2021 zanlai thleng Total Lockdown a nih leh dawn tak avangin-
(1) Vawiin Dt. 18.7.2021 zing atangin zing tawngtai inkhawm neih theih a ni lo vang.
(2) Vawiina envelope chhiar tum pawh thulh rih a ni. Bialtute emaw, Envelope lo dawng khawmtuten emaw, mahni kawl ang angte tlawmngaia lo kawl rih turin kan inngen a; hun remchang hmasa berah chhiar fel kan tum mai dawn nia.
Sd/-
Secretary,
Serkawn Tualchhung Kohhran
STK THUHLA
Kan kohhran member-te zingah Sunday School rawngbawlnaa kum 25 inhmang tawhte leh kum 50 lo thawk tawh (zirtirtu emaw, Office Bearer emaw lo ni tawh) te chu Tualchhung Kohhran Sunday School Secretary, Rbt. R.Lalhmangaihsanga hnenah (Ph.9436157922) in report turin kan inngen e.
BCM THUHLA
⇒ Mizoram Baptist Kohhran, ‘Covid-19 Relief Fund’ chu bial leh tualchhung Kohhran bakah pawl leh mimal thahnemngai ten an chhung lut mek zel a. Dt.15.7.2021 thlenga Kohhran, Fellowship leh mimal te hnen atanga Covid Relief Fund lut tawh chu Rs. 27,37,778 a ni a. Kohhran-a thawktute nikhat hlawh atanga lut Rs. 12,27,726 belh khawm nen a zavaiin Rs. 39,65,504 a lut tawh a. Kohhran, Fellowship leh mimal thilpek petute chungah BCM Administrative Committee-in lawmthu a sawi a ni.
⇒ Mizoram Baptist Kohhran, Administrative Committee chuan Mission Department hnuaia Missionary thenkhat te posting en felin a siamrem a. Thihna leh harsatna dang avanga posting siamrem ngai te niin hetiang hian siamrem a ni:-
Rev. Remlalliana Fanai – BCM leh SIM(NEI) te thawh dunna-in Ghana-ah a awm a, Furlough hmangin a lo chhuak a. Covid avangin a thawhna Ghana lamah a let thei rih lo a. Ghana lama a let theih hma chhung chu Lalkura, Assam Field-ah Evangelist atan dah a ni.
Pu Lalfakliana – Namsai, Arunachal Far East-a awm mek a ni a. Kolkata Regional Office-a Office Assistant Pu CL. Remruata Covid avanga chatuan ram min pansan ta hmun ruakah dah a ni.
Heng missionary post siam rem te hi an awmna hmun tharah, July thla chhunga thleng fel tura ruahman a ni.
ESSAY/ARTICLE INZIAHSIAK
Essay/Article inziahsiak atan “TKP LEH ENVIRONMENT HUMHALH” tih thupui hmangin member-te lo tel ve theuh turin kan sawm a che u. Juniper-a chhuah tur a nih avangin word limit hi 700-800 a ni.
– Thehluh theih hun tawp hi July 21, Wednesday a ni a.
– Thehluhna tur te: Tv. C. Lalhmingliana, Tv. Remlalnghaka Renthlei, Nl. Lalthanmawii Kawlni.
– Endik turin Senior adviser Upa Z.D. Lalnunmawia leh Upa Dr. Lalramzauva te an ni ang.
– 1st prize lawmman atan Rs. 2,500 a ni a, consolation prize hi mi 5 hnenah Rs. 500 theuh a ni ang.
Secretary,
Documentation Sub-Committee,
Thalai Kristian Pawl, Serkawn.
(Documentation Sub-Committee lam atanga thu kan dawn danin essay/article theh lut kan la awm mang lo ni a hriat a ni a. Thu ziak lama hma kan sawn theihna tura duan a nih ang takin TKP member-te thahnemngai taka a tam thei ang ber ziak turin kan insawm nawn leh e.)