LAWMPUINA
Dt.18.6.2021 (Ningani)-a HSSLC results, Mizoram Board of School Education-in a tih chhuahah kan Unit TKP member hlawhtlinna duhawm tak tak changte kan lawmpui takzet che u a. In kal zelna turah hlawhtlinna chang zui zel turin duhsakna kan hlan bawk a che u. A la hlawhtling zo ve lote pawh beidawng mai lova bei hram hram tur leh hlawhtlinna in chan ngei theih nan kan duhsak bawk a che u. (HSSLC results-a hlawhtlinna changte hming hi duh anga kan lak khawm kim hman loh avangin issue lehah tih chuah kan tum dawn nia.)
STK THUHLA
⇒ Vawiin Dt. 20.6.2021 hi Pathian ram thilpek lakkhawma chhiar ni a lo ni leh ta reng mai. Kohhran chhungkaw tinte Pathian ram thilpek thahnemngai taka pe zel thin turin kan inngen nawn leh e.
⇒ Kan kohhran chhûngkuaah Covid-19 hripui avanga harsatna tâwk, khawsak harsa mi 19 te hnênah Kohhran hmingin R&D Account atangin Rs. 2000 theuhvin tanpuina pêk a ni a, a vaiin Rs. 38,000 a ni.
⇒ June thla buhfai tham khawn khawm atanga kan hmuh zat chu Rs. 1,19,720 a ni.
⇒ Biak In thar sak mek report tlangpui :
Dt. 3.6.2021 khan 2nd Floor a beam chhun zawh fel a ni tawh a. Tunah hian First floor ban 20 awm turah ban 14 chhun fel tawh a ni bawk. Dt. 16.6.2021 khan gate bula Monkey puzzle kung ding lai chu Biak In thar sak zel na atan a hnawk dawn avangin kih fel a ni bawk.
BCM THUHLA
⇒ Dt. 11.6.2021 (Zirtawp zan) a Thuampui venga Pu Lalbiakzuala te chhungkua, member 7 chenna in chima nunna chan ta mi 4 te chu Aizawl Area Development Committee te chuan tanpuina an hlan a. Pawisa fai Rs. 20000 bakah, mutbu (blanket) pek tel an ni bawk. Thilpek hi Dt. 17.6.2021 (Nilaini) khan Aizawl Area Development Committee hruaitu ten chhiattawk chhungte hnenah tawngtai sakna neiin an hlan a ni.
⇒ BCM Assembly 2021 in Zemabawk Pastor Bial atangin Thuampui Pastor Bial thar hawn ni rawh se, tia a lo remtih tawh chu Pastoral Department-in bawhzuiin Dt. 13.6.2021 (Pathianni) khan Zemabawk Pastor Bial atangin Thuampui Pastor Bial thar chu Rev Dr. R. Lalthanmawia, ES, Aizawl chuan a hawng. Pastor Bial thar hawn inkhawmna hi BCM Biak In, Thuampui-ah neih niin, SOP angin mi 30 an tel a ni.