THUHLA
⇒ Dt.23.5.2021(Pathianni)khan Kohhran chhung tin ten Pathian ram thilpek kan pek khawm chhiar a ni a. Hetiang hi kan dinhmun a ni :
PRZ : Rs. 6,75,230 RT : Rs. 4,37,870
KHE : Rs. 1,85,650 Biak In : Rs. 3,18,890
R&D : Rs. 1,38,300
Hunpui : Rs. 1,15,220
Mission : Rs. 1,37,920
TOTAL : Rs. 20,09,080 BFT : Rs. 95,290
GRAND TOTAL: Rs. 21,04,370
Headquarter a lut : Rs. 12,08,390 (57.42%)
Tualchhung chan : Rs. 8,95,980 (42.58%)
Headquarter target thla khat mamawh zat Rs. 13,00,000
Target 2021 – 2022 : Rs. 1,56,00,000
Hmuh tawh zat : Rs. 26,68,320 (17.10%)
Target khum mekna : Rs. 68,320
⇒ Covid hripui avangin chhiatni-a inrelbawl dante pawh a lo harsa leh chho ta a. Hemi avangin Serkawn Tualchhung Kohhran hmingin Serkawn Branch YMA Relief Fund-ah R&D Account atangin Rs. 30,000 pek ve a ni.
⇒ Mission Field hrang hranga BCM Missionary Covid-19 veite mi 16 chu tanpui ve ni se, tih a ni a. Hemi atan a vaiin Rs. 48,000 Serkawn Tualchhung Kohhran Mission Account atanga pek tura tih a ni. Tanpuina pek tur list hi a hranpain tarlan kan tum leh dawn nia.
⇒ Dt.29.5.22021 (Inrinni) kha Mizoram Baptist Kohhran Ni pawimawh (Special Day) “TKP Ramthim Ni”a ni a. Kumin TKP Ramthim Ni thupui hi “Thil tha ti atana siam (II Ephesi 2:10)” tih a ni. Nikum lam ang bawkin hripui in kan ram min la nuai avangin a huho in a hman theih loh a. MTKP lam atangin tawngtai subject siamin hemi hmang hian mahni remchan dan ang zelin tawngtaina hun hman a ni. TKP Ramthim Ni thupui hmanga MTKP Secretary Rev. K. Lalbiakenga thuchah erawh MTKP Youtube-ah pek chhuah a ni.
BCM-in thawktu pahnih kan chan leh ta
⇒ Mizoram Baptist Kohhran Missionary, Pu C.L. Remruata (S/o Rev C. Ngurhnema) Kolkata Regional Office-a thawk mek chuan Dt.22.5.2021 (Inrinni) chawhnu dar 1:50 khan RN Tagore Hospital, Kolkata-ah Covid-19 avangin a boral.
⇒ Tha chhuak leh mai tura kan beisei laiin Rev. Lalhmingchhuanga Zongte, Field Director, North India Mission Field (BCM) ni lai chu Dt.29.5.2021 (Inrinni) zinglam dar 4 vel khan Indian Spinal Injury Centre, Vasant Kunj-ah min boralsan ta.
Lusun chhungte Pathian thlamuanna leh awmpuina i dilsak theuh ang u.
“TKP Ramthim Ni” lo chhuah dan
TKP hian din a nih tirh atangin ramthim veina lian tak a neih avangin ramthim rawngbawlna lamah pawh hma a la hma hle a. District TKP Inkhawmpui hmasa ber, October 21-23, 1955 (Pukpui)-ah chuan Agenda “TKP hminga Thuhriltu tirh” tih hi ngaihtuah a ni. 1959-ah chuan ‘District TKP Tuikuk-Takam Ni’ atan October 5 (Thawhtan ni) hman nise tih a ni a. 1960-ah chuan September thla Thawhtanni hnuhnung ber hman nise tiin a rel leh a, chumi kum chuan September thla Thawhtanni hnuhnung ber chu September 26 a ni. September 26 hi hun rei tak chhung chu Ramthim Pual atan hman zui a ni ta a ni. “Tuikuk-Takam Ni” tih chu huap zim deuhva hriat a nih avangin 1969-ah chuan ‘Ramthim ni’ tiin thlak a ni. Amaherawh chu September thla hi Beirual thla a nih avangin TKP tana Ramthim ni hman hi a remchang tawk lo deuh thin a. Kum 2006 MTKP (S.Vanlaiphai) Rorelna chuan May thla-ah sawn nise tiin a rel a. MTKP Executive Committee chuan bawhzuiin BCM-in ram pawna missionary a tirh chhuah hmasak ber, Rev.H. Rokhama-te nupa tirh chhuah ni, May 29, 1968 denchhenin May 29 hi TKP Ramthim Ni atan a ruat fel ta a. 2007 atang chuan TKP Ramthim Ni hi May 29-ah hman a ni ta a ni.