THUHLA
⇒ Vawiin Dt.23.5.2021 hi Kohhran chhung tin ten Pathian ram thilpek kan pek khawm chhiar ni a. Kohhran member-te thilpek lama theihtawp chhuah thin turin kan inngen thar leh e.
⇒ Vawiin Dt.23.5.2021 hi Thlarau Thianghlim thlen ni (Pentecost Ni) a ni a. He ni hi khawvel pumah Kristian te chuan urhsun takin an hmang thin a. Mizoram Baptist Kohhran pawhin he ni hi Special Sunday atan a hmang thin a ni. Kumina Thlarau Thianghlim thlen Ni atan thupui hranpa siam a ni lo va, Tualchhung Kohhran ten tha an tih angin thupui an duh zawng an hman tura tih a ni. Hetihlai hian Covid-19 hri leng avangin rampumah a huhova thil tih leh punkhawm khap a ni a. Kohhrante pawh hun rei tak Biak Inah inkhawm leh thiltih ho a theih loh avangin Thlarau Thianghlim Thlen Ni (Pentecost Ni)-ah pawh inkhawm theih a ni dawn lo a. Amaherawhchu, Headquarters atanga tawngtai subject duan sate hmanga tawngtaina hmang theuh tur leh hemi ni hi hlawk taka Pathian pawlna huna hmang theuh turin Headquarters chuan Kohhran memberte a chah a ni.
⇒ BCM Medical Department hotute leh Mizoram Sorkar hmalakna-in Dt.6.5.2021 atang khan Christian Hospital Serkawnah Official in Covid Test-na, Rapid Antigen Test (RAgT) test an kalpui ve tan ta. Dt.20.5.2021 thlenga test tawh zat hi mi 311 niin heng zingah 310 negative-in, positive pakhat hmuh chhuah a ni. Sample lakna hi Hospital Annexe building luhna gate chhung-ah dahin, zing lam dar 9:30 am – 4:00 pm chhungin hawn thin a ni a, Test man hi mi pakhat zelah Rs 500 a ni. Hospital lam hotute chuan Test-na man hi a to deuh bik nachhan hi Test Kit hlui, a man to chi hman a la nih thu an sawi.
BCM hnuai thawktu/pensioner Covid-19 vei mekte dinhmun
⇒ Pu Kiran Joyti (Chakma Bible Translator) leh a fanu Liberty (kum 10). Anni pafa hi Covid Care Centre, Chawngte-a enkawl lai an ni.
⇒ Tv. Hnemtu Lalngaizuala (S/O Pu J.Lalsawmliana, Missionary, Debitola). Zuala hi a pumna avangin han luak zeuhte pawh a nei a, a khuh hi a la awm bawk.
⇒ Rev. Lalbiakhlua (Field Director, Arunachal West Field). khawsik a reh tawh avangin nachhawkna pawh a thlah ta rih e.
⇒ Nyson J. Lalnunruata (Huto, Arunachal West Field). Huto School atanga KM 2 vela hla Lekhi CCC-a enkawm mek a la ni.
⇒ Rev. Lalhmingchhuanga Jongte (North India Mission, New Delhi). Rev. Hminga hi kan hriat angin ICU-ah Ventilator hmanga enkawl mek a ni.
⇒ Pu K. Lalchungnunga (Tinsukia, Upper Assam). Ani hi Borguri CCC-ah enkawl mek a ni.
⇒ MP & MS -a a ram mi thawktu fate. MP & MS field-a a ram mi thawktu (Cook) fate pathum Kiran Mawaskar, Chhaya Mawaskar leh Rebecca Sawalkar symptom an nei tawh rih lova, anni pathum hi tuna in lama enkawl lai an ni.
⇒ Pu Siamkima Khiangte (Lalmati, Assam). Pu Siamkima hi an awmna atanga KM 25-a hla Covid Care Centre-a enkawl mek a ni.
(Heng hi kan hriat theih chin kan han tarlan an ni a. Anni bakah midang pawh an la awm ang. Kan remchan dan ang zelin i tawngtaipui thin ang u.)