THUHLA
⇒ MTKP inkhawmpui dawltu tanpuina member tina Rs. 20 khawn tur chu April thla chhung hian khawn fel tur a ni a, khawn tur neuh neuh tam mahse member-ten rawngbawlnaa ngaiin pek i tum theuh ang u. Piggy bank, Faith Promise envelope leh khawmpui dawltu tanpuina hi colony convener-ten remchan zawkna avangin a rualin an rawn la khawm dawn a ni. Heng ho hi dt.29.4.2021-a chhiar fel hman turin Colony Convener-ten an lo lakhawm dawn a ni.
⇒ Dt.19.4.2021 (Thawhtanni) zing khan khan Savidge colony-te chuan sumtuakna atan Pu LH.Lalzarzoliana in sakna ami tur block thiar hnatlang an nei a, member 20 vel an thawk chhuak thei a ni. Tin, hemi zan vek hian block thiar hnatlang hi nei chhunzawm lehin hetah hian member 45 chuang lai an thawk chhuak thei a ni. Activity tha tak neia member heti zat lai mai thawk chhuaka hnatlang thei Savidge colony-ten an nei hi an fakawmin an entawntlak hle a ni.
⇒ Tawngtaipui ngai :
* North India Mission, Delhi Field Director Pu Lalhmingchhuana fanu Esther Lalhruaitluangi Jongte chu Dt.13.4.2021 khan Covid 19 a positive tih hriat chhuah a ni a. In lamah a theih ang angin an inenkawl a. Chutih laiin Pu Hminga leh a nupui Pi Madawngi hi tun kar tir lam atang khan Covid 19 symtomps an nei ve leh a. Tunah rih chuan chau chhia leh ngaihtuahawm an ni lo nain Kohhran hoten tawngtainaah i hre tlang ang u.
* Missionary damlo tawngtaipui ngai te. PC.Lalngaihdami E/T BMS Chawnpui, Tlabung (nau nei) leh Pu H. Lalfala, Evangelist, Kauchhuah (BP sang) te an ni.
* Pu LH. Lalnghakmawia Missionary, Jharkhan pawhin dam takin Hospital a chhuahsan ta a. Kohhran ten lawmthu i sawi pui ang u.
