TKP THUHLA
⇒ April thla atang hian Missionary Support (Faith Promise) chu khawn tan leh tur a ni a. Hei hi member tinah khawn a ni dawn lo a, a pe duhte chuan Unit OB-te hnenah emaw, Colony Convener-te hnenah inhriattir nise a lawmawm hle ang.
⇒ April thla atan TKP sumtuakna zinga pakhat Piggy Bank chu colony tinah convener ten an rawn sem fel tawh a. Piggy Bank hi member-te in lamah cham rei deuh tura ruahman niin, thahnemngai taka lo thlak leh turin member-te kan inngen e.
⇒ MTKP inkhawmpui dawltu tanpuina member tina Rs. 20 khawn tur chu April thla chhung hian khawn fel tur a ni a, khawn tur neuh neuh tam mahse member-ten rawngbawlnaa ngaiin pek i tum theuh ang u. Piggy bank, Faith Promise envelope leh khawmpui dawltu tanpuina hi colony convener-ten remchan zawkna avangin a rualin an rawn la khawm dawn a ni.
⇒ TKP Serkawn Pastor Bial 2020-2021 rorelin ‘Bible ralchhan neih ni se’ a lo tih chu kan unit pawhin Bible ralchhan tur hi kan dawng fel ta a. Hei hi member-te hnenah sem fel tawh niin, April ni 17 aia tlai lovah colony convener-te hnenah theh luh tur a ni. Member-ten thahnemngai takin i chhang ang u. Bible ralchhan hi Rom bu atanga chhan tur a ni.
⇒ Serkawn Tualchhung Kohhranin hmalakna lian tak kan neih Biak In Sak chu kalpui mek niin, Kohhran hnatlang koh thin a ni a. TKP member-ten kan tel vena tur a ni tih hriain kan theih chin chinah thahnemngai takin tel zel i tum thin ang u