PATHIAN TANA NUN DAN
Oswald J.Smith
Isua Krista hi i chhandamtu atan i pawm tawh em? Thihna ata nunnaah i lut tawh tih Pathian Thlarau leh i thlarauvin a hriatpui che em? I piangthar tawhin Pathian tana nun hi i duh tak meuh em? I duh tak meuh chuan heng thil pangate hi ti ngei turin ka ngen a che.
1. I chhamdannaah chiang rawh: “Chatuan nunna in nei tih hi inhriat theih nan nangni Pathian Fapa hming ringtute hnenah heng thu hi ka ziak a ni” (I Johana 5:13) a ti a. In beisei nan emaw, in inrin nan emaw a ti lova, ‘in inhriat nan’ a ti a ni. I chhandam nih inhriatna chu Pathian thuah a nih chu. I hriatna (feeling) atang ngawt chuan vawiina i inhriat dan leh naktuka i inhriatdan a dang ang a, chhandam, chhandam leh loh niin i inhre fo ang. Kha i hriatna kha Pathian thuin i ni min tih Rin ngam chiahna atangin chhandamna chu i chiang ang. He chianna atang lo hi chuan miin Pathian tana nun dan tur a hre thei lo ang. Nang erawh chu i chiang a nih chuan i nun dan tur chu i Chhandamtu nun dan angun a ni tih chiang ang che.
2. Vantlang zingah Krista tan rawh: Pathian tana nun dan turah chuan vantlang zinga tan tur ka ti a nih chu. A ruk tea ringtu nih tum suh. Hei hi chu engmah lo a ni. “Tupawh keimah leh ka thu zahpui chu Mihriang fapa hian a zahpui ve ang” (Marka 8:38). Zahpui loh nih i duh chuan zahpui bik suh. I êng kha thukru suh. Zahpui loh nih i duh chuan zahpui bik suh.
3. Dik lo tih i hriat apiang hawisan rawh: Pathian tan nun i duh tak tak em? Nangmaha sual awm tlat thin kha tlansan daih tawh rawh. Kanan mite nun reng reng chu thah chimih vek tur a ni. I Akana kha zuah reng reng suh. Sual reng reng pawm zam suh. “Ka thinglungah sualna ka ngaihsak chuan Lalpan min ngaithla lovang” i tih tak zel chuan Lalpan a chhan chhuak ang che. Nangmahah Lalpan a pek tawh che chu ‘Thilhluite a ral ta a, ngaiteh u, a lo thar ta’ tih hi a ni.
4. Bible zir leh tawngtai nan hun hmang tam rawh: Khawngaihnaah hian thanlen i duh chuan nitin Pathian pawl rawh. Pathian pawlna, Bible chhiar leh tawngtai nan hun leh hmun bik insiam rawh. Pathian pawl lovin ni hmang liam suh. Pathian thu i ngaihthah phawt chuan i hnung tawlh dawn a ni. Tawngtai dan i zir thiam chuan, Krista nunah i thang chak hle dawn a ni. “Nausen piang tharte angin thlarau lam hnute, engmah pawlh loh (Pathian thu) chu miah chuan chhandamna tling khawpa in thanlen theih an châk rawh u” (I Petera 2:2)
5. Pathian rawngbawlnaah inhmang tam rawh: Setana hian kut awlte tan tih tur a hmuh sak thuai thin. Chuvangin tih tur ngaihtuah la, ti tura ruat i nih nghak kher suh. In kohhhranah rawngbawlna peng tinrengah i tangkai ve theihna tur leh Pathianin a hman theihna tur che kawng zimte i hmuh pawhin hlah suh. Lalpan kawng zau tak leh phurawm tak hmangin i inhman chhuahna tur a kawhhmuh vek kher lo ang che tih i hre dawn nia.