KRISTAA IN THUAM
C. Lalliantluanga
Eden bawhchhiatna avang khan mihringte hi Pathian nen kan inzawmna a lo chat a sual setana bawih kan lo ni ta a. Mahse, Lal Isua Krista zarah, sual min bawihna lak a`angin chhuah zalen kan ni; nun thar neia nung turin.
Kan Pathian hian mihring te hi min siam ropui em em a, Ama chen nan min siam a kan kawng pawh tluang takin a duang vek a. Kei mahni zawk hian kan pen bo san `hin zawk a ni. 1 Korinth 3:16 kan ne chuan, Pathhian In kan nihzia leh Pathian Thlarau keimahniah a awm tih kan hmu. 1 Korinth 6:20-ah chuan kan taksa hi Pathian chawimawi nan Lal Isua thisen thianghlima tlan a nihzia kan hmu bawk.
Mirhingtehi Pathian siam; a chenna tura siam/din kan ni. Pot pawh hi pangpar khawina tura siam a ni a, pangpar khawinana hmang lovin thildang dah/tih nan hmang ta ila pot chu chei mah ila Pot ah khan a awm tur diktak pangpar a awm tlat loh chuan a siamtu siam dan ang leh siam chhan angin a hlu lo. A hmanna tur dik takah hman a nih loh avangin `angkai khat chuan a `angkaiin mawi khat chuan a mawi ve ngei ang. Pot chu a siam tu siam chhan ang ngeia pangpar khawinana kan hman chuan chu pangpar chu lo `hang lianin a lo par chhuak anga pangpar mawina chuan pot chu a hlutna diktak rawn ti langin a rawn ti mawi em em dawn a ni.
Pathianin mihring min siam chhan/dan pawh kan nunah Ama Thlarau Thianghlim chennan Amah ti ropuia chawimawi turin, Amah a thianghlim anga thianghlim taka nunga kan thilthte mihring felnaa ti lova Krista avang zawka thil `ha ti turin min ti a ni.
Genesis 3:7 -ah Adama leh Evi khan theipui hnah pawnfenah siamin inhliahkhuh/inthuammawi an tum ang khan mihring te pawh hian Krista tel si lovin thil hrang hrang Pathian thu hmangte, thil tih`hat hmang te in alang chinah inthuammawi kan tum fo `hin. Mathaia 6:1 ‘thil`ha kan tihte mihring mithmuha ti lo turin min ti a. Ephesi 2:10-ah chuan thil`ha ti atan Krista Isuaah chuan siam kan ni a. Ama kut chhuak kan ni si a. Chu thil`ha tih chu kan awmna turin Pathian in a buatsaih lawk a ni.
1 Petera 1:15&16 ‘Min ko tu/siamtu a thianghlim ang hian kawng engkimah kan thianghlimin kan taksa hi Pathian ropui nan leh chawimawi nan kan hlan tur a ni. Tichuan, Adama leh Evi savun kawrfual a `hui saka ang in thuam ang khan Pathianin kan tana min pek Isua Kristaah hian in thuam ila. Mahni in thuammawi chawp ngai lovin Krista zawk chu kan nunah a lo lang chhuak mai dawn a ni.