NUN HLIMNA
THUFINGTE 5:21
Mihring kawngte chu Lalpa mithmuhah a awm a, A kawng zawng zawng a tihrualremsak thin.
Nitina nun hlim tak leh nun hlawhtling i neih duh chuan thil tam tak i nuna i seng luh a ngai a. Chu’ng zinga i zir tur leh tih turte chu hengte hi an ni :
* Sawi tam lovin ngaithla tam ang che.
* Dawn tam aiin pek tam tum zawk ang che.
* Lungawilo hmel lantir tam aiin hlim hmel lantir tam tum ang che.
* Nangmah chauh inngaihtuah lovin midang ngaihtuah tam zawk ang che.
* Sawisel aiin lawmpui tum zawk ang che.
* Tap tam lovin nui tam zawk ang che.
* Tihnawktu lam ni lovin tifaitu lam ni ang che.
* A thim lam ni lovin a eng lam thlir thin ang che.
* Mi tibeidawngtu ni lovin tilawmtu ni ang che.
* Hnawltu ni lovin pawmtu nih tum zel ang che.
* Tibahlahtu ni lovin tanpuitu ni ang che.
* Mahni inrinhlelh ching ni lovin mahni inringtawk mi ni ang che.
* Khawhriraltu ni lovin khawltu ni ang che.
* Phunnawi lovin thawktu zawk nih tum zel ang che.
Hringnuna hlimna leh hlawhtlinna neih dan tha ber chu midangte hnena thurawn kan pek anga nun hman hi a ni.