BERAMPUTE HNENAH
LUKA 2:10-11
“Hlau suh ulang, ngai rawh u, mi tin ta tûr chanchin tha lâwmawm êm êm ka rawn thlen che u a ni. Vawiinah hian in tân Davida khuaah Chhandamtu a piang ta, Lal Krista chu.
Berâm enkawl hi a hautak êm avângin sakhaw mi ten Pathian an biakna serh leh sang zawng zawng pawh an tân tih a remchang ve lo.
Judaten fapa an neihin thenawmho rimawi nên an zâi thin. Josefa leh Mari km 80 lai atanga rawn mikhual tân lawmpuitu beisei rual a ni lo. Berâmputen an Berâm vênga an awm laiin Vântirhkoh vân atangin an lo zâi a, an sawi ang chiahin an va hmu ta. Chibai an bûk zawh hnuah hlim takin Pathian chawimawi chung zêlin an kîr leh ta a ni. Mi fingten kawng an bo avângin, Bethlehem nausen kum hnih hnuai lam tam takin an thih phah a. Mihring finna ringten kawng an bo laiin Pathian thu anga kal berâmputen Isua an hmu hmasa thung. Pathian thu anga kal hi a him a ni.
Mihring mihrinna hianin,
A ngaihtuah chhuak zo lo va che,
Ka Chhandamtu, i thurûk hi.
Nazareth Isua hi lâwm takin chibai kan bûk thei em?