TKP MEMBER HNUNGTAWLH LEH HLA
Hnungtawlh sawia pianga ka hriat chhuah ziah mai chu, TKP a mi inhmang tak mai pakhat nulat tlangval na a, chesual pakhat in a sawi ka hriat reng chu. Tlar hnung hi chu hnungtawlh seat a nia kha a ti a. Johana 3:20-21 en ila, “Tupawh thil tisual apiangin êng an haw thin, êngah pawh an lo kal lo, chutilochuan an thiltihte a lang ang. Amaherawhchu, tupawh tidik apiang an thiltihte Pathian avanga ti an nih a lan nan, êngah an lo kal thin.”
Member hla-te kan in tawngtai pui thin a. Member hla han tih hian ka lo ngaihdan chuan TKP pawl angin kan awm a, Member ten chanpual theuh kan nei a. Hnatlante, Fellowship-te Inkhawmte chanvo kan nei ve thliah mai a ni. Member kan nihna anga Fellowship-te, Inkhawmte, Hnatlante ka ti ve thei ngai lo a nih chuan member hnungtawlh emaw member hla emaw hi chu kan ni sa reng mai hian ka lo hre thin. Member a nih dan tur leh member a in pekna anga ti hlawhtling thei lo chu member hla a ni. Piangthar lo emaw, ruihtheihthil tih vanga hla emaw vang ringawt hian TKP member hla emaw hnungtawlh kan ni ringawt lo a. TKP member nih dan tur ang ni lo, a perform tur anga perform thei lo kan nih chuan TKP member hnungtawlh kan lo ni reng mai a ni. A nih chuan tunah hian lo in ngaihtuah chiang theuh ila TKP member-ah i inpe a, member i nihna ang khan i in hmang em tih in zawh chian a ngai khawp mai? Membership fee khawn huna lo pek leh ngawt hi TKP member tha nihna pawh a ni chuang lo a. TKP member kan nihna anga kan tih tur te te tih hlawlhtlin hi TKP member tha kan nihna chu a ni ve tawp mai a ni.