SAWI NAWN LEH RAWH, MIN HRILH LEH RAWH
(TKP LEADERSHIP TRAINING, 2018)
Vanlalnghaka Hnamte
Kumina planning and project-a kan neih Leadership training chu kan lo zo ve leh ta reng mai. Pathian hnena kan dil, ka a chhanna kan hmuin tluang takin khawtlangah harsatna awm lo in kan hmang zo thei a. Speaker-a kan sawmte pawn harsatna awm lovin hun an hmang thei. Leadership training hi ka hlawkpui ve em em a. Chung ka hlawkpuina Thenkhatte chu han tarlang ta ila.
Rawngbawlna atan emaw, TKP hruaitu nih dawn hian eng nge pawimawh ang? Tih kan han ngaihtuah hian thil tam tak a awm thei ang. Amaherawhchu, a bul Thut, danglam ve ngai reng reng lo awm chu Lal Isua hi a ni awm. Tun Tum Leadership training-ah pawh eng dang nilo in, Isua nena innghen pawimawh zia kan ngaithla bawk a ni. Thawnthuhlui thei lo leh chul thei lo (A bik takin Kristian te tan) kan Speaker ten min hrilh a ni.
Hremhmun chungchang kan zirho laia ka rilru a lo awm ve mai mai han tarlang ila. Tunlai ringtu tam tak hian mak tak maiin hremhmun tlak hlauh vanga ringtu ka ni lo tih hi an sawi fo mai a. Mak hi ka ti ang reng a, kei chu kal hi ka tum lo bur mai a. Amah Lal Isua ngei khawvel a lo kal chhanah hi chuan hremhmun hi a ni tlat bawk si a. Thlarau hremna, hremhmuna kan kal kha a hlau em em a ni. Chumi avanga thihna hial tuar a, amah rawn inpe ta kha a ni si a. He thil hi chu ringtute hian kan ngaihtuah chian viau chu a ngai a ni. Marka 9:43 “Hremhmun insawiThaih vak vak hi a ni lo.” He thu hi Thalaite zingah chuan philosophy mak tak a ni awm e. Ngun taka ngaihtuah chuan, thil reng rengah mihring hi a hlauh zawng ni lo ah chuan sawi Thaih theih a ni lo. Kan Leadership training chhung zawng khan hremhmun hi sawi Thaih ka ni lo. A chhan chu Krista hmangaihna min hmuhfiah tirtu a ni. Ngaihthlak a nuam em em a ni. Kraws-a na taka vuak thitlina, a awmna chhan pawh chatuana hremna ka pumpelh theih nan a ni. Chatuan hremhmun ka ngaihtuah chang hian Krista Kraw, ka hre chiangzual leh Thin in ka hria a ni. Thil tam tak kan sawi a, Pathian thufing tak tak kanbuaipui a. Amaherawhchu, Lalpa hmangaihna hre fiah tur chuan he hremhmun chanchin hi kan hriat a Tul a ni. Hremhmun ngaihtuah vak ngai lo hian Kraws pawimawhzia leh Pathian hmangaihna hmuhfiah hi keimadinhmun aTang chuan a har hmel ka ti. Min hmangaihnatu hmangaihna kan ngaihtuah chian hian sual chuan hla takah min tlanchhiatsan Thin a ni.
Chatuana nunna kan han zir zo a. Duhthlan tur min zirtir. Nitin Isua Krista hi thil dang zawng zawng aiin ka thlang tur a ni. Nitina chhandamna, he thil hi ringtu ka nih chuan, ka mamawh berte zinga mi a ni awm e. Kan han sawiho sap sap hnu pawh khan he thil hi kan mu tan pakhat kha a ni ve a ni. A dik ve bawk a, he khawvel chhunga min tibuaitu tam lutuk leh hmuh tur, hriat tur tam ta lutuk hian kan ringtu nun hi a lo pawlh dal nasa em em mai a. Pathian thu rilru a khawlkhawm a, vawng a, zawm a kan nunpuina tur min daltu tam tak vang hian Krista hi kan hmelah lan chhuahtir har kan tih thu kan sawiho nasa hle a ni. Amaherawhchu, ringtu kan nih ang chuan min bawhbuai thei thil hrang hrang, Pathian thu kan zawm theihlohna daltu erawh hi chu kan thlauh thla tur chu a ni lawi si. Chu chu thlemna kan tuar ve theih tawk a min dah sak a ni ve bawk a ni. Kolosa 3:2
A tawp berah chuan, Hruaitu chu engtin nge awm tur? Hruaitu chuan Isua a zui ang a. Chu chu miten an hmu anga an zui ve ang. Ka lo ngaihtuah ngai miah lo a! TKP Executive Committee member Tha, TKP Programme Committee member Tha, chutiang zelin a lo awm theih dawn hi a lo ni a. Heng hruaitu kan nihna dinhmun hrang hrangah hian a Tha ber (Keimahni tawkah) kan ni em tih lo inchhut hi a ngai khawp mai. Hruaitu Tha Quality hrang hrang min hrilh a. Keimahni chakna leh theihna chuan kan ni thei dawn lo tih min hrilh fiah hnuah, kan zui Krista nen chuan nih theih anih thuin min hrilh leh a. Chutiang zelin kan awmna hmun Theuhah Kohhran member Tha, TKP member Tha, kan nih a ngai ngei ang.
Heng zawng zawng khaikhawmna chu Lal Isua hi nitinin kan nunah a hmasa ber, a pawimawh ber a ni tur a ni. Chu chu mihring Tha, Pathian lawmzawng nihna chu a ni.