Thalai Kristian Pawl Serkawn Member zawng zawngte Kumthar chibai vek ule.
Pathian khawngaihna avangin Kum 2014 Kristmas leh kumthar 2015 Programme chu kan lo hmang zo ve leh ta reng mai a, Kristmas vuakvet ah TKP memberte kan Kohhran hruaituten kawng hrang hranga mawhphurhna min pek ah te phur tak leh hlim takin Krista leh Kohhran tan tiin kan kova mawhphurhna te kan hlen thei a, a lawmawm hle a ni.
Kumin 2015 kan hman chhoh tan mekah kan Planningte bawhzui tur leh hmalak nghalna tur tam takin min hmuak leh tan ta a, TKP Memberte inchhiar in Colony hrang hrangte pawhin hma kan la chho tan leh dawn ta a, Hunpui lai hian FOD te a hran in hmalakna (Activities) te kan neih vak loh avangin kan han awlthawn ve deuh thin avangin inthlahdah a awl viau mai a, kum a lo thara hma han lak dawn hian kan in san mar chhung hi a rei duh riau mai a. Hetih lai hian January thla alo thlen tawh hi chuan Planning bawhzui tur engemawzat in min lo hmuak nghal reng tawh bawk si a, kan chet tan vat vat hi a ngai tawh thin a ni.
Thalai Kristian Pawl (TKP) hi mimal tu emaw in a siam leh tihchak theih a ni lova, kan zavaia kan tanrual a kal thei chauh a ni. TKP Member ka nih chuan ka theih ang tawka tam he rawngbawlna ah hian ka tel ve a ngai a, Ka tel lo hian he Pawl hi a kal zelna turin Pathian hian mi tamtak a nei, Amaherawhchu ka tel ve hi Lalpa hian a duh a, min mamawh a ni tih hi I hre reng ang u.
TKP Memberte kan Activities hrang hrang Inkhawm, Fellowship leh hnatlangah te leh Colony ah te kan theih tawpin tel zel tum ila kan kova mawhphurhna awm te hlen chhuak zel turin tan I la zel ang u.
Kan thupui “Krista leh Kohhran tan” tih hi theihnghilh lovin Kohhran tha ti chak tura he pawl hi din a ni tih i hre reng ang u. Kan thatlai hun hi Lalpa leh Kohhran tana kan hman aliama tha zawk hi engmah a awmlo a ni. A pawimawh ber a rawng kan bawlsak Lal Isua theihnghilh lovin tawngtaina nen Krista hnena kan Memberte a tam thei ang ber hruai an nih theih nan Member tin te hian hma i la thar zel ang u.
President,
TKP,Serkawn Unit.
………………….
Hriattirna & Sawmna
Vawiin Pathianni (Missionary Day) hi kumin Kum 2015 atana Sunday School hmingziah ni a ni a. Kohhran member zawng zawngte’n he hun hi ngai pawimawha hmingziak vek turin kan in sawm a ni. Inkhawm banah hian thingpui leh a hmeh tui tak siam a ni bawk ang. Tin, kumin kum-2015 chhung atan STK Sunday School Asst. Secretary atan Rbt P. Lianngura chu ruat thar a ni bawk.
…………………
Hriattirna
Kumin (kum 2015) chhung atana FOD hrang hrangte leh kohhran Palnning and Budget bu siam a ni a. Department hrang hranga OB-te emaw, committee member te emaw Planning & Budget bu mamawh te chuan kan biak in enkawltu Pu sawmtea hnenah ngaihven mai turin kan in hriattir a ni.
……………….
Kumthar kan lo chuangkai leh ta a, kan TKP memberpui te, Krismas leh kumthar hmanga an zirna/hnathawhna hmun atanga chawlh hmanga rawn haw te pawh an hna ah te leh an zirna leh awmna hmunah te an kal leh ta a. Thalai Kristian Pawl member nihna theihnghilh lova, Pathian tana rawngbawlna zau zawk an zirna leh hnathawhna hmanga an lan tir zel theihnan leh hlawhtlinna duhawmtak an neih zel theih nan i tawngtaipui thin ang u.
………………
Bialtu Pastor Programme
Tukin zingah BCM Khawiva Kohhranah rawngbawlna neiin Sacrament a buatsaih ang.
…………….
Lawmpuina
Kan member Laldinpuii Renthlei, Savidge Colony chuan Dt 8th.Jan. 2015 (Ningani) khan a lungdumtu Stephen K.Ramdinzuala, Ramzotlang chu Kohhran dan puitlingin BCM Biak In, Ramzotlangah tiam tlat e a tih pui ta. Kohhran Dan puitling ngeia an inneihna hi kan lawmpuiin kan chhuang tak zet a. Kristian chhungkaw tha tak din turin duhsakna kan hlan e.
– TKP, Serkawn Unit