DONATION
Dt. 19.5.2019 (Pathianni) hi Juniper Donation khawn hun a ni a. Agents ten an lo lakhawm dawn a. Kohhran chhungkaw tinte tlawmngaia, rawngbawlnaa ngaia min lo dawn sawn sak turin kan in ngen a ni.
WORK CAMP REPORT
Upa J.Lawmsanga
Director, Tuikawi Work Camp
BCM Mission Department atanga ngenna kan hmuh angin, STK Mission Committee chuan Tuikawi a thawktute quarter sak sak tur leh, Quarter chhia te repair turin, Work Camp hi thawh ni se tiin a rel a. Dt 13.5.2019 a kalin Dt 18.5.2019 ah haw leh ni se a ti a. Kal tur hi in sawm a ni a; hengte hi a kal te chu an ni: 1. Upa J.Lawmsanga (Director) 2. Upa Lalbiakthanga Chawngthu (Asst. Director) 3. Pu Eric.Zomuanpuia (Secretary) 4. Rbt. PC.Lalhmunliana (Manager) 5. Upa K.Lalzuithanga 6. Pu Lalneiha 7. Pu H.Lalrinawma 8. Pu R.Lalngaia 9. Pu Lallianzuala 10. Pu K.Zomuana 11. Pu V.Lawmsanga 12. Pu F.Lalnunpuia 13. Pu C.Malsawmtluanga 14. Pu Lalrinthanga Chinzah 15. Pu Lalramdina 16. Tv R.Lalneihsanga.
Dt 13.5.2019 (Thawhtanni) Zing dar 6:30-ah Sumo pahniha kalin Diblibagh atangin lawngin Tuikawi kan pan leh a. Lawnga darkar 2:30 kan kal hnuin, dam takin tlai dar 4:15 PM ah tuikawi kan thleng. Khua a lum tha hle a. Mahse, zanlaiah ruah nasa takin a sur a, khawlum a zia awm phah hle.
Dt 14.5.2019 Zing dar 5:30 vela thawk tanin ban kan phun tan a.Mi pathumin Quarter pakhat zawk repair hna (cement Work) lam an tan ve thung. A then eirawngbawlin kan in dah bawk. Zing dar sawm dawnah kan banga, ban kan phun kim hman a ni. Ni a sat lutuk avanga tlai dar thumah kan thawk tan leh a; zanah thim thleng kan thawk. Zanriah eikham meuh chuan dar riat a ni tawh a; Mahse, program (Isua film chhuah leh School naupang lam) an puan tawh si avangin hah pawh sawi lovin Community hall kawtah kan generator hawh kan zawn thla a. Isua film Chakma tawnga sawi fiah chu kan chhuah a, zirlai naupang an lam bawk. Ringtu ni tawh leh ringlo ten hmuhnawm ti takin an en a, zan dar 10:15 ah kan tin a. Dar 11:00 PM dawnah kan mu thei hram.
Dt 15.5.2019 hian zing atangin kan thawk leh a. A hma ang bawkin zana ruah surin khua a ti dai leh deuh. 10:30 AM ah tukthuan kan ei thei hram, kan thawk tui deuh a ni. Chhunah ni sat zual avangin kan chawl a; Dar 2:30 PM ah kan tan leh a. Beisei aiin kan thawk sawt a; Tukthuan ei hma in a chung kan chih zo a. Chawhnu lama ni sa tur lam bang side hnih kan ping zo hman bawk a;Chawhnu lam chu kan hna a zia awm ta viau bawk, kan zo ti tih ta a ni.
(Issue leh ah Report hi chhunzawm a ni ang)