SUNNA
Kan kohhran member duh tak Pu Lalnunmawia Chinzah H/O Pi Zohmangaihi chuan ni 5.6.2018 khan chatuan ram min pan san tak avangin, a kalsan tak a chhungte kan tuarpuiin Lalpan thlamuanin awmpui zel rawh se.
THU HLA
Chawnghei tawngtai
Dt 13th June, 2018 (Nilaini) hian Evangelical Cell chaw nghei tawngtai neih tur a ni a, STKP member zawng zawngte cell member kan ni vek a ni.
Hruaitu : Pu Z.Lalthanliana Langva
⇒ Dt 18.6.2018 (Thawhtanni) zan TKP inkhawm bana chhiar fel theih turin Faith Promise leh sumtuakna envelope lakkhawm tur a ni. Colony Convener ten a hma lama lo khawm fel turin kan in hriattir a ni e.
Bial Zaipawl Programme
Dt 16th – 17th June, 2018 hian Serkawn Pastor Bial Zaipawl te chuan Planninga an dah angin, Sangau Kohhran pathumah rawngbawlna neiin an fehchhuak ang. Rawngbawlna hlung tak, Pathian hriatpui ngei hun an neih theih nan Kohhran member-te tawngtai pui turin min sawm a ni.
STK MISSION ACTION TEAM
BCM Mission Field-a missionary-te a tulna apianga tanpuitu tur, mi 2 awmna STK Mission Action team, thla 4 chhung atan din tum a ni a. Serkawn Tualchhung Kohhran member, he rawngbawlnaa tel duhte chuan a hnuaia hming ziak hnenah hian dilna thehluh theih a ni.
HRIATTUR PAWIMAWHTE
1. A hun chhhung : August- November 2018.
2. Qualification : Class XII pass chin.
3. Lawmman : Rs. 10,000/- each per month.
4. Dil theih hun tawp ni : 24th June, 2018.
5. Diltu Interview hun : 26th June, 2018 – 7:00 P.M.
6. Interview-na hmun : Biak In Hall
Sd/-
(SAICHAMA KHIANGTE)
Secretary,
STK Mission Committee